1 Ja’ jech tana ti vu’un Nefiune, chi lo’ilaj ta sventa ti c’u x-elan la xcholbe sc’oplal xchi’uc ti c’u x-elan lo’ilajem ti jtot ta sventa ti José voch’o la jyich’ iq’uel batel ta Egiptoe.

2 Yu’un jech ta bats’imelel la xcholbe sc’oplal ta sventa ti snich’nabe, yu’un muyuc xa c’usi muc’ o ti c’u x-elan ep la xcholbeic sc’oplal jech chac c’u cha’al stuc la sts’ibae. Jech la xcholbe sc’oplal ta sventa vu’ncutic xchi’uc ta sventa calab jnich’nabcutic ta xtale, jech te ts’ibabil ta c’anal c’unil taq’uin.

3 Ja’ o jech, ta ts’acal ti c’alal laj yo’nton ta lo’il ti jtot ta sventa ti c’u x-elan la xcholbe sc’oplal ti Josée, ja’ o la jyic’tal snailal Lamán, squeremutic xchi’uc stsebetic, jech la jyalbe: jech tana, jqueremutic xchi’uc jtsebetic vo’xuc squeremuticoxuc xchi’uc stsebeticoxuc ti sba jnich’one, ta jc’an ti ac’o xa va’ybicun ti ca’yejtaque.

4 Yu’un ti Cajvaltique, jech yaloj: Jech ti c’uyepal cha pasbicun ti jmantaltaque, li’ cha comic ta jteclum, jech ti me muyuc xa pasbicun ti jmantaltaque, jech cha vich’ic loq’uesel ta jtojolal.

5 Oy to c’usi yan jqueremutic xchi’uc jtsebetic, mu stac’ xi bat ta jmuquinal ti me muyuc jcomtsan jbenticion ta atojolalique; yu’un ti li’e, jna’oj ti me la vich’ic albel ti be ti bu xu’ cha t’unic batele, muyuc bu cha comtsanic o.

6 Jech tana ti me avich’ojic ac’bel vocolile, li’ ta jcomtsan benticion ta atojolalic, ti c’uxi jech xa vich’ic loq’uesel ta vocolile, ti c’uxi c’otuc yan velta ta sjolic a totique.

7 Jech ta sventa jbenticion mu xac’ xa chamic ti Cajvaltique, yu’un jech ta slequilal oyoxuc xchi’uc a nich’nabic ta sbatel osil.

8 Ja’ o jech ta ts’acal ti c’alal laj yo’nton ta xchi’nel ta lo’il ti snich’nab Lamán ti jtote, ja’ o la jyic’tal ta stojolal ti squeremutic xchi’uc stsebetic Lemuele.

9 La sc’opan, ja’ jech la jyal: jech tana jqueremutic xchi’uc jtsebetic, vo’xuc squeremuticoxuc xchi’uc stsebeticoxuc ti xchibal jnich’one, jech ta jcomtsan no’oxtoc ti jbenticion jech chac c’u cha’al la jcomtsan ta squeremutic xchi’uc ta stsebetic Lamane, jech chac c’u cha’al mu xa vich’ic soquesel ta jyalele, yu’un ti a xnich’nabique ta to xich’ic ac’bel benticion ta baq’uin.

10 Ja’ o jech ta ts’acal ti c’alal laj yo’nton ta lo’il ta stojolalique, ja’ jech bat ta stojolalic snich’nab Ismael, jech, ta scotolic ti boch’otic to oy ta snae.

11 Ta ts’acal ti c’alal laj yo’nton ta xchi’nelic ta lo’ile, ja’ o la sc’opan Sam, jech la jyalbe: avich’oj benticion xchi’uc anich’nab, ja’ avu’un ti jteclume, jech chac c’u cha’al a banquil Nefie, yu’un ti a nich’nabe ja’ te ta xich’ic atael xchi’uc xnich’nab, yu’un ti vo’te ja’ jech cha c’ot cha c’u cha’al a banquil, yu’un ti anich’nabe ja’ jech cha c’u cha’al yu’un, xchi’uc ti vo’te cha vich’ benticion ta scotol ac’ac’alil.

12 Ja’ o jech ta ts’acal ti c’alal laj yo’nton ta lo’il ti jtot Lehi ta snailale, ja’ jech slo’il yo’nton xchi’uc ti S-espíritu Cajvaltic te oy ta stojolale, ti jtote malub, ja’ o jech cham, jech la jyich’ muquel.

13 Ja’ o jech ta ts’acal ti c’alal mu to ox epuc c’ac’al xchamele, ti Lamán, Lemuel xchi’uc ti snich’nab Ismaele, ilinic ta jtojolal ta sventa ti c’usi chi yalbun ti Cajvaltique.

14 Yu’un ti vu’un Nefiune, sujbilun ca’ay ti ta xcalbeic ti c’u x-elan ya’yeje; yu’un ep xa c’usitic calojbeic; xchi’uc jech ec ti jtot c’alal sc’an to’ox xchame, jech ep ti c’usitic li lo’iletique, te ts’ibabil ta sba yantic jtaq’uin vuntac, yu’un ti ta yantique ja’ ep poco’ lo’iletic ts’ibabil ti ta sba yantic jtaq’uin vuntaque.

15 Ti li’ ta sbae ta jts’iba ti c’usitic ta sventa jch’ulele, xchi’uc ti ep ts’ibiletic te tsacal ta sba c’anal c’unil taq’uine, Yu’un ti jch’ulele ja’ lec cha’ay ti Ts’ibiletique, xchi’uc ti co’ntone ja’ ta snop, yu’un ti ts’ibiletique ja’ sventa c’uxi ta xilic ta sventa slequilalic ti jnich’nabe.

16 Ja’ jech ti jch’ulele ja’ lec cha’ay ti c’usitic yu’un Cajvaltique, jech ti co’ntone ja’ ta snopilan o ta sventa ti c’usi quiloje xchi’uc ti c’usi ca’yoje.

17 Jech o no’ox ta slequil yo’nton la jyac’bun quil ti muc’tic xchi’uc ti alaq’uic sba yabteltac ti Cajvaltique, ti co’ntone, ta xal: ¡vu’un ti tu jt’ut’il vinicune! Jech, ti co’ntone ta xat yo’nton ta sventa ti jbec’tale. Ti jch’ulele ta xat yo’nton ta sventa ti jboliltaque.

18 Ta xquil ti joybilun ta smantaltac pucuje xchi’uc ti muliletic c’uxi xu’ c’un chi stsaquicune.

19 Ti c’alal ta jc’an xcuxetel co’ntone, ti co’ntone ch’oc’ ta sventa ti jmultaque; ja’ jech, jna’oj ti boch’o jpatoj co’nton yu’une.

20 Ti Jrioxe ja’ scoltaojun; ja’ la scoltaun ti c’alal oyun ta vocolil ta xocol banamile, jech la xcha’biun ta ba vo’etic ti te ta muc’ta nabe.

21 Nojemun o ti c’u x-elan sc’anojune, ja’ to ti c’uxi cham o ti jbec’tale,

22 Ja’ la xcha’ybe yo’nton ti jcontratac ti jech iniquic ta jsate.

23 Ja’ jech ti stuque ja’ ya’yojbun ti ca’yej sbejel c’ac’ ale, jech ja’ la jyac’bun quil c’usi xu’ ta jna’ ta sbejel ac’ubal.

24 Ti ta c’ac’altique, ja’ tsots cac’ojba ta sc’opanel ti stuque, jech te la jtoy batel ti ca’yej ta toyole; jech te talic abatetic te abtejic ta jtojolal.

25 Ti jbec’tale te ic’bil bat ta xic’ espíritu te ta toyol abnaltic; ti jsate oy c’usi muc’tic la jyil, jech yu’un tu jmuc’tic ta sventa vinic, ja’ jech la jquich’ pasel ta mantal ti mu jts’ibae,

26 Jech, ti me quiloj muc’tic c’usitic, ti c’usi ta sc’an ti Cajvaltic ta sventa xnich’nab viniquetic la jyal ti yu’un oy slequilale. ¿C’u yu’un ta x-oc’ co’nton ti c’alal me oy ta vocolil ti jch’ulel ta xc’uxul stenlejale Xchi’uc ti me jech ch’ay ti jbec’tale, xchi’uc me cham ti jpersa ta sventa vocolil jtaoje?

27 ¿C’u yu’un ta xcac’ ac’o spas smul ti jbec’tale? Xchi’uc c’u yu’un chcac’be sbe ti smantal pucuj ti c’uxi xu’ ta x-och ta co’nton ta sventa ti c’uxi xu’ soques ti jlequilal xchi’uc ti c’uxi ta xat yo’nton ti jch’ulele? ¿C’u yu’un ti chi ilin ta sventa caj contrae?

28 ¡Julovan jch’ulel! Mu epuc xa cham ta sventa mulil. ¡Cuxetuc a vo’nton vo’ot co’nton, mu me xa vac’be bu ep ochuc ti yaj contra jch’ulele!

29 Mu xa me xa ilin ta sventa ti caj contrataque, mu me xa c’unibtas jpersa ta sventa jvocoltac.

30 Cuxetuc no’ox a vo’nton vo’ot co’nton, c’opano Cajvaltic jech xa valbe: ¡vo’ot Cajval, ta xquich’ot ta muc’ ta scotol c’ac’al, jech, ti jch’ulele xcuxet no’ox yo’nton ta a tojolal vo’ot Jriox, xchi’uc stonal c’uxi chi col o.

31 ¿Me cha loq’uesbe smul ti jch’ulele, vo’ot Cajval? ¿Me cha pojun ta sc’obic ti caj contrataque? ¿Me cha bac’ t-elquinajcun ti c’alal me oyun ta mulile?

32 Ac’o me macluc o ta jsat ti smactac c’atinvaque, yu’un svoc’oj xa sba ti co’ntone xchi’uc sutesoj xa sba ti jch’ulele, vo’ot Cajval mu me xa mac ta jsat ti smactac a lequilale, ti c’uxi xu’ xi xano ta smanchual stenlejal ti c’uxi xu’ ta jtsin jba ta lequil bee.

33 ¡Vo’ot Cajval pixun ta smantail a lequilal! ¡Vo’ot Cajval meltsano junuc be ti c’uxi xu’ xi jato ta sat ti caj contrataque! ¡Tuq’uimtaso ti jbe ta jsate! Mu me xa bac’ c’usi jtsuculin ti ta jbee, ba’yuc me xa sacubtas ti jbe ta jsate; mu me xa soques ti jbee, ja’uc me ech’em slequil jbe jech chac c’u cha’al caj contratac.

34 ¡Vo’ot Cajval, ta vo’ot no’ox cac’ojba ta a tojolal, ta vo’ot no’ox chcac’ jba ta a tojolal ta sbatel osil! Muyuc ta xcac’ jba ta sc’ob bec’talil, yu’un jna’oj ti muyuc sta slequilal ti boch’o ta xac’ sba ta sc’ob bec’talile, jech muyuc slequilal ti boch’o ta xac’ sba ta vinique, o me ta spas ta beq’uet li’ sc’obe.

35 Jech jna’oj ti Riox ta scolta ti boch’o ta sc’ane, jech, Jriox ta xac’bun, ti me ma’uc ta jc’an ti c’usi mu stac’ jc’ane, ja’ jech ta jtoyes batel ti ca’yej ta atojolale; jech, ta jc’opanot ti vo’ot Jrioxote, stonal jlequilal, jech tana, ti ca’yeje lecuc me c’otuc ta atojolal ta scotol c’ac’al, jtonal xchi’uc Jriox ta sbatel osil.