१ अनि जुन लेखिएको छ त्यो हुन जानेछ: गाऊ, हे बाँझी स्त्री, तिमी जसले जन्म दिइनौ, गायनमा प्रष्फुटित होऊ र ठूलो आवाजले कराऊ, सुत्केरी पीडा कहिल्यै नसहेकी तिमी; किनकि बाँझो स्त्रीका छोराछोरी विवाहित स्त्रीका भन्दा बढी छन्, परमप्रभु भन्नुहुन्छ।

२ तिम्रो पालको ठाउँ बढाऊ र तिम्रो आवासका पर्दाहरूलाई तन्काऊ; नछोड, तिम्रा डोरीहरूलाई लम्ब्याऊ र तिम्रा कीलाहरूलाई बलियो बनाऊ;

३ किनकि तिमी दाहिने हात र देब्रेतिर फैलिनेछौ र तिम्रा सन्तानले गैह्र यहुदीहरूलाई रिक्थमा लिनेछन् र उजाड सहरलाई आवासित बनाउनेछन्।

४ नडराऊ, किनकि तिमी लज्जित हुनेछैनौं; न त पराजित नै हुनेछौ, किनकि तिमीलाई लज्जामा राखिनेछैन; किनकि तिमीले आफ्नो जवानीको लज्जालाई बिर्सिनेछौ र तिम्रा युवाको निन्दालाई सम्झनेछैनौ र तिम्रा विधवाको निन्दालाई अरु सम्झनेछैनौ।

५ किनकि तिम्रो निर्माता, तिम्रा श्रीमान्, सैन्यहरूका अधिपति उहाँको नाउँ हो; र तिम्रा उद्धारकर्ता, इस्राएलका परमपवित्र उहाँ—सारा पृथ्वीको परमेश्वर भनिनेछ उहाँलाई।

६ किनकि परमप्रभुले तिमीलाई एउटा त्यागिएकी र आत्मामा शोकाकूल स्त्रीका रुपमा बोलाउनु भएको छ र युवा अवस्थाकी एक श्रीमती, जब तिमीलाई अस्वीकार गरिएको थियो, तिम्रा परमप्रभु भन्नुहुन्छ।

७ किनकि एक सानो क्षणका लागि मैले तिमीलाई त्यागेको छु, तर महान् कृपाहरूका साथ म तिमीलाई जम्मा गर्नेछु।

८ एक सानो क्रोधमा मैले मेरो मुख एक क्षणका लागि तिमीबाट लुकाएँ, तर चीरस्थायी दयाका साथ म तिमीमाथि कृपा गर्नेछु, परमप्रभु तिम्रा उद्धारकर्ता भन्नुहुन्छ।

९ किनकि यी, मेरा निम्ति नोआको पानीझैं हुन्, किनकि जसरी मैले कसम खाएको छु कि नोआका पानी पृथ्वीमाथि फेरि जान हुँदैन, त्यसरी नै मैले कसम खाएको छु कि म तिमीसँग क्रोधित हुनेछैन।

१० किनकि पर्वतहरू प्रस्थान गर्नेछन् र डाँडाहरू हटाइनेछन् होला, तर मेरो दया तिमीबाट हट्नेछैन, न त मेरो शान्तिको करार हट्नेछ, परमप्रभु भन्नुहुन्छ जोसँग तिमीमाथि कृपा छ।

११ हे ग्रसित, आँधीबेहरीले पछारिएकी र सान्त्वना नपाएकी तिमी! हेर, म तिम्रा ढुङ्गाहरू सफेद रंगहरूले लगाउनेछु र तिम्रा जगहरू निरहरूले लगाउनेछु।

१२ अनि म तिम्रा झ्यालहरू सुलेमानी पत्थरले र तिम्रा द्वारहरू चम्कने रत्नहरूले र तिम्रा सिमानाहरू बहुमूल्य रत्नहरूले बनाउनेछु।

१३ अनि तिम्रा सबै छोराछोरीहरूलाई परमप्रभुका बारेमा सिकाइनेछ; र तिम्रा छोराछोरीहरूको शान्ति महान् हुनेछ।

१४ धार्मिकतामा तिमीलाई स्थापित गरिनेछ; तिमी नडराउने हुनाले शोषणबाट र तिम्रो नजिक नआउने हुनाले भयबाट तिमी पर हुनेछौ।

१५ हेर, उनीहरू निश्चय नै तिम्रा विरुद्ध एकसाथ जम्मा हुनेछन्, तर मद्वारा होइन; जो तिम्रा विरुद्ध एकसाथ भेला हुन्छन् तिम्रा निमित्त ढल्नेछन्।

१६ हेर, मैले लोहारलाई सृष्टि गरेको छु जसले आगोमा कोइलाहरूलाई फुक्छ र जसले आफ्नो कार्यका निम्ति औजार ल्याउँछ; र मैले विनाश गर्न विनाशकर्ताको सृष्टि गरेको छु।

१७ तिम्रा विरुद्ध बनाइएको कुनै हतियारले उन्नति गर्नेछैन; र तिम्रा विरुद्ध आलोचनामा विद्रोह गर्ने प्रत्येक जिब्रोलाई तिमीले दोषी ठहऱ्याउनेछौ। यो परमप्रभुका सेवकहरूको सम्पदा हो र उनीहरूको धार्मिकता मबाट हो, परमप्रभु भन्नुहुन्छ।