Mukanda wa Molomo

Bua nanku, tshidi tshikosu tshia miandiku ya bantu ba Nefi, ne ya Bena Lamana kabidi—Tshifundidibua Bena Lamana, badi bikala tshishadi tshia nzubu wa Isalele; ne kabidi Bena Yuda ne Bena Bisamba bia Benda—Tshifundibua ku mukenji, ne kabidi ku nyuma wa buambi ne wa dibuluila—Tshifundibua ne tshikangibua, ne tshisokoka mu Mukalenga, bua ne katshinyangakajibu to—Bua kulopoka ku dipa ne bukola bia Nzambi bua diandamuna diatshi—Tshikangibua ku tshianza tshia Moloni, ne tshisokokibua mu Mukalenga, bua kulopoka mu tshikondu tshikumbanyina ku njila wa Bantu ba Bisamba bia Benda—Diandamuna diatshi ku dipa dia Nzambi.

Tshikosu tshiangatshila ku Mukanda wa Etele kabidi, udi muikala miandiku ya bantu ba Yalede, bavua batangalaka tshikondu tshivua Mukalenga mubuejakaja muakulu wa bantu, pavuabu bikala bibaka kaleya bua kufika mu diûlu—Tshidi bua kuleja kudi tshishadi tshia nzubu wa Isalele malu manena kayi adi Mukalenga muenza bua batatuabu; ne bua ne bamanya bipungidi bia Mukalenga, ne kabena bimanshibua bua kashidi to—Ne kabidi bua ditabujija Bena Yuda ne Bena Bisamba bia Benda ne Yezu udi Kilisto, Nzambi wa Tshiendelela, udimuenesha kudi bisamba bionsu—Ne mpindiewu, bikalaku bilema bidi matupakana a bantu; bua nanku, kanupîshi malu a Nzambi to, bua ne kanusanganyibu ne katoba to ku nkuasa wa tshilumbuluilu wa Kilisto.