A Me Ka Hoikeana A Na Mea Ikemaka Ewalu.

E ike na lahuikanaka, na ohana, na olelo, a me na kanaka ma kahi e hiki ai auanei keia buke, ua hoike mai o Iosepa Samika, Opio, ka mea nana keia buke i unuhi, ia makou i na papa, na mea i olelo ia ai, a ua like me ke gula i ka nana aku; a o na aoao a pau a ua Samika nei i unuhi ai, ua haha makou me ko makou mau lima; a ua ike no hoi makou i na kaha maluna olaila, a i ka nana aku i ua mau mea nei a pau he hana ia o ka wa kahiko, a o ka hana akamai. A o keia ka makou e hoike aku nei me ka oiaio no, ua hoike mai ua Samika nei ia makou, no ka mea, ua ike makou a haha no hoi, a ike maoli me ka maopopo, ua loaa i ua Samika nei na papa a makou i olelo aku nei. A ke haawi aku nei makou i ko makou mau inoa i ko ke ao nei, e hoike aku i ko ke ao nei i na mea a makou i ike aku ai; a ua wahahee ole makou, o ke Akua ka hoike no ka oiaio o ia mea.