Ko te Whakaaturanga a ngā Kaiwhakaatu Tokowaru

Kia mōhio mai ngā iwi katoa, ngā hapū, ngā reo, me ngā huihuinga tāngata, e tae ai tēnei pukapuka: Ko Hōhepa Mete, Tam., te kaiwhakapākehā o tēnei pukapuka, nāna i whakakite mai ki a mātou ngā papa kua kōrerotia ake nei, e rite ana ki te kōura te āhua; ā, ko ngā rau katoa i whakapākehātia e taua Mete i whāwhāngia ki ō mātou ringaringa; ā, i kite anō mātou i ngā whaowhaonga o reira, he onamata te āhua o ngā mahinga katoa, ā, he mahi tohunga hoki. Ā, e whakapuaki ana mātou i tēnei i runga i ngā kupu whaiwhakaaro, nā taua Mete anō i whakakitea mai ki a mātou, nō te mea kua kite mātou, kua hapahāpai anō hoki, ā, e tino mōhio ana mātou kei taua Mete anō ngā papa i kōrerotia ake nei e mātou. Ā, ka hoatu e mātou ō mātou ingoa ki te ao, hei whakaatu ki te ao nei i ngā mea i kite nei mātou; ā, kāore ō mātou teka, ko te Atua te kaiwhakaatu mō tēnei.