1 Nīwhai

Pukapuka a Moromona

Contents
Ko te Whakatakinga me ngā Kōrero Whakaaturanga
1 Nīwhai
2 Nīwhai
Hākopa
Enoha
Haroma
Ōmoni
Ko ngā Kupu a Moromona
Mōhia
Arami
Heramana
3 Nīwhai
4 Nīwhai
Moromona
Ētere
Moronai
He Rārangi Tohutoro mō te Pukapuka a Moromona

1 Nīwhai

Upoko 1
Ka tīmata a Nīwhai i tana tuhinga mō tana iwi—Ka kite ā-whakakitenga a Rīhai i tētahi pou ahi, ā, ka pānui mai i tētahi pukapuka poropititanga—Ka whakamoemitihia te Atua, ka matakite ia mō te haerenga mai o te Mīhaia, ā, ka poropititia te whakangaromanga o Hiruharama—Ka whakahāweatia e ngā Hūrai. Takiwā 600 M.K.
Upoko 2
Ka kawea e Rīhai tana hapū ki roto ki te koraha i te taha o te Moana Whero—Ka mahue tō rātou whenua—Ka tukuna e Rīhai tētahi whakahere ki te Ariki me te whakaako anō i āna tama kia ngohengohe ai ki ngā whakahaunga—Ka amuamu a Rāmana rāua ko Remuere ki tō rāua matua—Ka ngohengohe a Nīwhai, ā, ka inoi i roto i te whakapono; ka kōrero te Ariki ki a ia, ka whiriwhiria ia hei rangatira mō runga i ōna tuākana. Takiwā 600 M.K.
Upoko 3
Ka hoki ngā tama a Rīhai ki Hiruharama kia hopukina ai ngā papa parāhe—Kīhai a Rāpana i whakaae kia hoatu ai ngā papa—Ka ākina, ka whakakipakipa a Nīwhai i ōna tuākana—Ka whānako a Rāpana i ā rātou rawa me te whai kia whakamate i a rātou—Ka patupatu a Rāmana rāua ko Remuere i a Nīwhai rāua ko Hāmi, ā, ka kohetetia e tētahi anahera. Takiwā 600–592 M.K.
Upoko 4
Ka whakamate a Nīwhai i a Rāpana i runga i te whakahau a te Ariki me te hopu anō i ngā papa parāhe mā te whakarautaki—Ka whiriwhiri a Hōrama kia piri ki tō Rīhai hapū i roto i te koraha. Takiwā 600–592 M.K.
Upoko 5
Ka amuamu a Haraia ki a Rīhai—Ka koa tahi i te hokinga mai o ā rāua tama—Ka tuku whakahere—Ka mau i ngā papa parāhe ngā tuhinga a Mohi me ngā poropiti—Ka whakatau iho ngā papa ko Rīhai tētahi uri nā Hōhepa—Ka poropiti a Rihai e pā ana ki ōna uri whakaheke me te tiakanga o ngā papa. Takiwā 600–592 M.K.
Upoko 6
Ka tuhituhi a Nīwhai mō ngā mea o te Atua—Ko tō Nīwhai aronga he whakapakepake i ngā tangata kia haere mai ai ki te Atua o Aperahama kia whakaorangia ai. Takiwā 600–592 M.K.
Upoko 7
Ka hoki ā Rīhai tama ki Hiruharama ki te tono atu i a Ihimaera me tōna whare kia hono tahi atu ki a rātou i runga i tō rātou haerenga—Ka haututū a Rāmana mā—Ka akiaki a Nīwhai i ōna tuākana kia whakapono ai i te Ariki—Ka herea ia ki ngā taura, ā, ka whakamaheretia tōna whakangaromanga—Ka tukuna e te mana o te whakapono—Ka whakapāha ōna tuākana—Ka tuku a Rīhai mā i ngā whakahere me ngā whakaherenga tahu. Takiwā 600–592 M.K.
Upoko 8
Ka kitea e Rīhai tētahi whakakitenga o te rākau o te ora—Ka kai ia i ōna hua kātahi ka hiahia ia kia pērā anō tōna hapū—Ka kitea e ia he tokotoko rino, he ara tōtika, he ara whāiti hoki, me ngā kohu o te pōuritanga e karapotia nei te tangata—Ka kai a Haraia, Nīwhai me Hāmi i te hua, engari ka whakakāhore a Rāmana rāua ko Remuere. Takiwā 600–592 M.K.
Upoko 9
Ka hanga a Nīwhai i ngā tuhinga e rua—Kua huaina ia mea ko ngā papa a Nīwhai—Ko ngā papa nui e mau ana ngā mea hītoria; ko ngā papa iti e mau pū ana ki ngā mea tapu. Takiwā 600–592 M.K.
Upoko 10
Ka matakite a Rīhai ka mauherehia atu ngā Hūrai e ngā Papurōnia—Ka kōrero ia mō te haerenga mai ki waenganui i ngā Hūrai he Mīhaia, he kaiwhakaora, he kaihoko—Ka kōrero anō a Rīhai mō te haerenga mai o tētahi māna e rūmaki te Reme a te Atua—Ka kōrero a Rīhai mō te matenga me te aranga o te Mīhaia—Ka whakatauritetia e ia te whakamararatanga me te huihuinga o Iharaira ki tētahi rākau ōriwa—Ka kōrero a Nīwhai mō te Tama a te Atua, mō te takohatanga o te Wairua Tapu, me te utanga mō te tika. Takiwā 600–592 M.K.
Upoko 11
Ka kite a Nīwhai i te Wairua o te Ariki, ā, ka whakaatuhia i roto i te whakakitenga te rākau o te ora—Ka kite ia i te whaea o te Tama a te Atua, ā, ka ākona ki te tapatuhanga a te Atua—Ka kite ia i te rumakitanga, minitatanga, me te rīpekatanga o te Reme a te Atua—Ka kite anō ia i te karangatanga tapu me te minitatanga a ngā Āpōtoro Tekau mā Rua a te Reme a te Atua. Takiwā 600–592 M.K.
Upoko 12
Ka kite a Nīwhai mā te whakakitenga te whenua whakaari; te tika, whakarihariha, me te takanga ihotanga o ana tangata whenua; ko te haerenga mai o te Reme a te Atua ki waenganui i a rātou; ka pēhea ngā Ākonga Tekau mā Rua me ngā Āpotoro Tekau mā Rua e whakawā ai i a Iharaira; me te āhuatanga weriweri, poke anō o te hunga memeha haere ana i te whakapono kore. Takiwā 600–592 M.K.
Upoko 13
Ka kite a Nīwhai mā roto whakakitenga i te hāhi o te rēwera kua whakatūria i waenganui i ngā Tauiwi, ko te kimihanga me te tāmitanga o Amerika, ko te ngarohanga o ngā wāhanga mārama utu nui maha o te Paipera, ko te āhuatanga i hua mai ai i tā te Tauiwi whakaparahakotanga whakapono, ko te whakahokinga mai o te rongopai, ko te haerenga mai o ngā karaipiture i ngā rā o muri, me te hanganga ake o Hiona. Takiwā 600–592 M.K.
Upoko 14
Ka kōrero tētahi anahera ki a Nīwhai mō ngā manaakitanga me ngā kanga ka tau ki runga i ngā Tauiwi—E rua anake ngā hāhi: ko te hāhi o te Reme a te Atua me te hāhi a te Rēwera—Ka whakahāweatia te Hunga Tapu o te Atua i ngā iwi katoa e te hāhi nui mōrikarika—Ka tuhituhi a Hōani te Āpotoro e pā ana ki te whakamutunga o te ao. Takiwā 600–592 M.K.
Upoko 15
Ka whiwhi ngā uri o Rīhai i te rongopai mai i ngā Tauiwi i ngā rā o muri—Ka whakatauritetia te huihuinga o Iharaira ki tētahi rākau ōriwa ko ōna manga tupu ka whakahonongia anō—Ka whakamāramahia e Nīwhai te whakakitenga o te rākau o te ora me te kōrero mō te tika o te Atua i tana whakawehewehe i te hunga kino mai i te hunga pono. Takiwā 600–592 M.K.
Upoko 16
Ka pāmamae ngā kōrero pono ki te hunga whakarihariha—Ka moe ngā tama a Rīhai i ngā tamāhine a Ihimaera—Ka ārahina e te Riahona tō rātou huarahi ki roto i te koraha—Tuhia ai ngā karere nō te Atua i runga i te Riahona mai i tētahi wā ki tētahi wā—ka mate a Ihimaera; ka amuamu tōna hapū nā ngā whakamamaetanga. Takiwā 600–592 M.K.
Upoko 17
Ka whakahaua a Nīwhai kia hangaia ai he kaipuke—Ka tū atu ōna tuākana ki a ia—Ka akiaki ia i a rātou mā te taki i ngā hītori o ngā mahinga a te Atua me Iharaira—Ka whakakīa a Nīwhai ki te mana o te Atua—Ka whakakāhoretia ōna tuākana kia pā atu ai ki a ia, kei memenge anō he kākaho maroke. Takiwā 592–591 M.K.
Upoko 18
Ka oti te kaipuke—Ka paku kōrero mō te whānautanga mai a Hākopa rāua ko Hōhepa—Ka koke atu te ope ki te whenua whakaari—Ka haututū tahi atu ngā tama a Ihimaera me ā rātou wāhine—Ka herea a Nīwhai, ā, ka āia whakamuritia te kaipuke e tētahi tūpuhi nui whakawehi—Ka wetekina a Nīwhai, ā, nā tana inoi ka tau te tūpuhi—Ka tae atu ngā tāngata ki te whenua whakaari. Takiwā 591–589 M.K.
Upoko 19
Ka waihanga a Nīwhai i ngā papa ki te oa me te tuhi i te hītori o tana iwi—Ka haere mai te Atua o Iharaira i ngā tau ono rau mai i te wā i wehe atu ai a Rīhai i Hiruharama—Ka kōrero a Nīwhai mō Ana whakamamaetanga, rīpekatanga hoki—Ka mauāharatia, ā, ka whakamararatia ngā Hūrai tae atu ana ki ngā rā whakamutunga, hei konā hoki ai rātou ki te Ariki. Takiwā 588–570 M.K.
Upoko 20
Ka huraina e te Ariki ana whāinga ki a Iharaira—Kua whiriwhiria a Iharaira i te ahi o te whakamamaetanga, ā, ka haere whakamua atu mai i Papurona—Whakatauritetia a Ihāia 48. Takiwā 588–570 M.K.
Upoko 21
Ka tū te Mīhaia hei rama ki ngā Tauiwi, ā, ka tukuna ngā mauhere—Ka whakahuia e te mana i ngā rā whakamutunga—Ko ngā kīngi ō rātou matua atawhai—Whakatauritetia a Ihāia 49. Takiwā 588–570 M.K.
Upoko 22
Ka whakamararatia atu a Iharaira ki runga i te mata katoa o te ao—Ka tiaki, ka whāngai ngā Tauiwi i a Iharaira ki te rongopai i ngā rā whakamutunga—Ka huihuia a Iharaira, ā, ka whakaorangia, ā, ka tahuna te hunga whakarihariha me he kakau witi—Ka whakangaromia te kīngitanga o te rēwera, ā, ka mauheretia a Hātana. Takiwā 588–570 M.K.