1 Tēnā anō: Whakarongo, e koutou te whare o Iharaira, koutou katoa kua whatia atu, ā, kua āia atu nā te whakarihariha o ngā kaiārahi o tōku iwi; āe rā, koutou katoa kua whatia atu, kua whakamararatia whānuitia atu, nō tōku iwi anō, E te whare o Iharaira. Whakarongo, E ngā motu, ki ahau, whakarongo mai koutou nō tawhiti; kua karangatia ahau e te Ariki mai i te kōpū; nō nga whēkau o tōku whaea i whakahua ai ia i tōku ingoa.

2 Ā, kua meinga e ia tōku māngai anō nei he hoari koi; i te taumarumaru o tōna ringa i huna ai ia i ahau, ā, kua meinga ahau e ia he pere pīata; i tana pūkoro pere i huna ai ia i ahau;

3 Ā, kua kī mai ki ahau: Ko koe taku pononga, E Iharaira, mā roto i a koe ahau e whakakorōria ai.

4 Kātahi au ka kī, kua whakarīrā parau noa iho ahau, kua whakapaua tōku kaha mō te kore, ā, mō te parau noa iho; kāore e kore kei te Ariki tōku whakawākanga, ā, kei tōku Atua taku mahi.

5 Ā ināianei, tā te Ariki—nāna nei ahau i whakaahua i te kōpū hei pononga māna, kia haria anōtia ai a Hākopa ki a ia—ahakoa kāore anō a Iharaira kia whakahuia, ka whai korōria tonu ahau i ngā karu o te Ariki, ā, ko tōku Atua tōku whakakaha.

6 Ā, ka kī ia: He mea māmā kia tū ai koe hei pononga māku kia whakarewa ake ai i ngā iwi o Hākopa, me te whakahou i te tiakanga o Iharaira. Ka hoatu anō koe e ahau hei rama ki ngā Tauiwi, kia ai koe hei whakaoranga māku ki ngā tōpito o te ao.

7 He pēnei tā te Ariki, ko te kaihoko o Iharaira, tōna Mea Tapu, ki a ia e whakahāweatia nei e te tangata, ki a ia e whakariharihatia nei e ngā iwi, ki te pononga o ngā rangatira: Ka kite ngā Kīngi, ā, ka ara ake, ka koropiko anō ngā wheao, nā te Ariki e ū pono ana.

8 He pēnei tā te Ariki: I tētahi wā pai ahau i rongo atu ai i a koe, E ngā motu o te moana, ā, i tētahi rā whakaoranga ahau i āwhina atu ai i a koe; ā, māku koe e tiaki, ā, ka hoatu ki a koe taku pononga hei kawenata nō te iwi, kia whakapūmautia ai te whenua, kia meinga e whakanohoia ai ngā kāinga kua ururuatia;

9 Kia taea ai e koe te kōrero atu ki ngā mauhere: Haere whakamua atu; ki a rātou e noho ana i te pōuritanga: Puta mai koutou. Ka kai rātou i ngā huarahi, ā, ko ō rātou pātiki kei ngā wāhi tiketike katoa.

10 E kore rātou e hiakai, e hiawai rānei, e kore hoki te wera, te rā rānei e patu i a rātou; nā te mea ko ia e whai aroha ana ki runga i a rātou māna rātou e ārahi, mā ngā puna wai ia e ārahi ai i a rātou.

11 Ā, ka meinga e ahau ngā maunga hei ara, ā, ko aku ara matua ka whakateiteitia.

12 Ā tēnā, E te whare o Iharaira, nana, ka haere mai ēnei i tawhiti; ā titiro, ko ēnei mai i te nōta, ā, mai i te uru anō hoki; ā, ko ēnei mai i te whenua o Hinimi.

13 Waiata, E ngā rangi; kia harikoa, E te ao; nā, ko ngā waewae o te hunga i te rāwhiti ka whakatūria; ā, ka pakaru mai i te waiatahanga, E ngā maunga; nā, kāore rātou e patua anōtia; nā te mea kua whakamārie te Ariki i tana iwi, ā, ka aroha ki runga i āna whakamamaetanga.

14 Engari, nana, kua kī a Hīona: Kua whakarērea ahau e te Ariki, ā, kua wareware ahau i tōku Ariki—engari māna e whakaatu kāore ia i pēnā.

15 Nā, ka taea e te wahine te wareware i tana kōhungahunga ngotengote, nā konei e kore ōna aroha ki runga i te tama o tana kōpū? Āe rā, ka wareware pea ia, heoi kua kore au e wareware ki a koe, E te whare o Iharaira.

16 Nana, kua whaoa koe ki runga i ngā pāoro o ōku ringaringa; kei tōku aroaro tonu ō pakitara.

17 Ka hohoro āu tamariki ki ō kaiwhakangaro; ā, ko rātou nāna koe i whakamōtī e haere whakamua atu ai i a koe.

18 Hīkina ake ō karu taiawhio noa ka kite; ka huihui tahi katoa ēnei, ā, ka haere mai ki a koe. Ā, e ora ana ahau, tā te Ariki, māu pū anō koe e whakakākahu ki ērā katoa, anō nei he whakakai, ā, ka whakaherea rātou me he wahine mārena pū anō.

19 Nā, ko ō ururua me ō wāhi tūhea, me te whenua o tō whakangaromanga, ka whāiti rawa pū anō ināia tonu nei nā ngā kainoho; ā, ko rātou nāna koe i horomi ake ka matara atu.

20 Ko ngā tamariki e riro i a koe, i muri i tō ngaronga i te tuatahi, ka kī anō ia ki ō taringa: He kikī rawa atu te wāhi mōku; whakawāteahia atu kia noho ai ahau.

21 I konā koe e kī ai i tō ngākau: Nā wai ēnei i whānau ai ki ahau, tā te mea kua ngaro i ahau aku tamariki, ā, he moke ahau, he parau, ā, he kaikōpikopiko? Ā, nā wai ēnei i whakatupu ake? Nana, i waiho mokemoke ahau; ko ēnei, i hea kē rātou?

22 He pēnei tā te Ariki te Atua: Nana, ka ara ake tōku ringa ki ngā Tauiwi, ā, ka whakatū i taku kara ki ngā iwi; ā, ka kawea mai ō tama i ō rātou ringaringa, ā, ka kawea mai ō tamāhine i runga i ō rātou pokohiwi.

23 Ā, ka tū ngā kīngi hei matua atawhai mōu, ā, ko ngā kuini hei whaea whakangote mōu; ka piko iho rātou ki a koe e tāpapa ana ō rātou kanohi ki te whenua, ā, ka mitimiti i te puehu o ō waewae; ā, ka mōhio koe ko ahau te Ariki; nā te mea kua kore e whakamā te hunga e tatari ai mōku.

24 Nā, ka tangohia ngā taonga parau i te tangata kaha, ka whakaorangia rānei te herehere kua tika nei tōna hereherenga?

25 Engari he pēnei tā te Ariki, ka tangohia pū atu anō ngā herehere a te tangata kaha, ka whakaorangia ngā taonga parau o te nanakia; nā te mea ka ngangare au ki te tangata e ngangare ai ki a koe, ā, māku ō tamariki e whakaora.

26 Ā, ka whāngai au i a rātou e ngangare ana ki a koe ki ō rātou ake kikokiko; ka haurangi rātou ki ō rātou ake toto me he waina reka; ā, ka mōhio katoa ngā kikokiko katoa ko au, te Ariki, ko tō Kaiwhakaora me tō Kaihoko, ko te Mea Kaha o Hākopa.