1 Ā, nō konā au, a Nīwhai, e kore e tuku nei i ngā whakapapa o tōku matua i tēnei wāhanga o taku tuhinga; e kore hoki au e tuku a muri ake nei i runga i ēnei papa e tuhia nei e ahau; nā te mea kua tukuna i roto i te tuhinga kua tuhituhia e tōku matua; nā reira, kāore au i te tuhi i a ia i tēnei pukapuka.

2 Kāti hoki māku te kī nei he uri mātou nō Hōhepa.

3 Ā, kāore he tikanga ki ahau e tūpato ai au ki te tuku i tētahi kōrero whānui o ngā mea katoa a tōku matua, nā te mea kāore e taea ērā te tuhi ki runga i ēnei papa, nā te mea e hiahia ana ahau kia wātea te wāhi kia tuhi ai au i ngā mea o te Atua.

4 Nō konā ko taku hiahia katoa kia whakapakepake mai ai i ngā tangata kia haere mai ai ki te Atua o Aperahama, me te Atua o Ihaka, me te Atua o Hākopa, ā, kia whakaorangia ai.

5 Nā reira, ko ngā mea e pai ana ki te ao kāore au mō te tuhi, engari ko ngā mea e pai ana ki te Atua, ā, ki te hunga anō hoki ehara nō te ao.

6 Nā reira, ka tuku whakahau ki ōku uri, kia kaua e whakakī i ēnei papa ki ngā mea e tikanga kore ana ki ngā tamariki a te tangata.