1 Ā, ka pahawa ianei ake i muri iho i tāku, tā Nīwhai, pānuitanga i ēnei mea kua whaowhaoa ki runga i ngā papa parāhe, i haere mai ōku tuākana me te kōrero mai ki ahau: He aha rā te tikanga o ēnei mea kua pānuitia e koe? Nana, me mārama ērā e ai ki ngā mea ā-wairua, ka pahawa ake nei, e ai tō te wairua ehara tō te kikokiko?

2 Ā nāku, nā Nīwhai, i kī atu ki a rāua: Nana, i whakaaturia ērā ki ngā poropiti e te reo o te Wairua; nā te mea mā te Wairua ngā mea katoa e whakamōhio atu ki ngā poropiti, ka tau nei ki runga i ngā tamariki a te tangata e ai tō te kikokiko.

3 Nā reira, ko ngā mea kua pānuitia nei e ahau he mea anō e pā ana ki ngā mea o tēnei ao me ngā mea o te wairua; nā te mea ko te āhua nei ko te whare o Iharaira, ākuanei, ā taihoa rānei, ka whakamararatia atu ki te mata katoa o te ao, ki ngā iwi katoa anō hoki.

4 Ā nana, kua ngaro kē te tokomaha i te mātauranga o te hunga kei Hiruharama. Āe rā, ko te wāhi nui o ngā iwi katoa kua ārahina atu; ā, kua whakamararatia atu rātou ki wīwī ki wāwā ki runga i ngā motu o te moana; ā, kāore tētahi o tātou e mōhio ana kei hea rātou, hāunga tā tātou mōhio kua ārahina atu rātou.

5 Ā, nā te mea kua ārahina atu rātou, kua poropititia ēnei mea e pā ana ki a rātou, ā, e pā ana anō hoki ki te hunga katoa e whakamararatia atu ai, e whakapōauautia atu ai a muri ake nei, nā te Mea Tapu o Iharaira; nā te mea ki a ia ō rātou ngākau e whakapakekehia ai; nā reira, ka whakamararatia rātou ki waenga i ngā iwi katoa, ā, ka mauāharatia rātou e ngā tāngata katoa.

6 Hei aha koa, i muri iho i tā rātou atawhainga e ngā Tauiwi, ā, ka ara ake te Ariki i tōna ringa ki runga i ngā Tauiwi me te whakatū ake i a rātou hei kara, ā, kua kawea ō rātou tamariki i ō rātou ringaringa, me ō rātou tamāhine i runga i ō rātou pokohiwi, nana ko ēnei mea kua kōrerotia ake nei he mea nō tēnei ao; nā te mea he pēnei ngā kawenata a te Ariki ki ō tātou matua; ā, mō tātou te tikanga i ngā rā e haere ake nei, ā, mō ō tātou tuākana ko rātou nei nō te whare o Iharaira.

7 Ā, ko tōna tikanga, nā, kei te haere mai te wā i muri iho i te whakamararatanga me te whakapōauautanga o te whare o Iharaira, ka whakaara ake te Ariki te Atua i tētahi iwi kaha rawa i waenganui i ngā Tauiwi, āe rā, i runga pū anō i te mata o tēnei whenua; ā, mā rātou ō tātou uri e whakamarara atu.

8 Ā, i muri iho i te whakamararatanga atu i ō tātou uri ka tīmata atu te Ariki te Atua ki te mahi whakamīharo ki waenganui i ngā Tauiwi, he mea utu nui ia ki ō tātou uri; nā reira, he rite ki tā ngā Tauiwi whāngaitanga i a rātou, ā, ki te kawenga i ō rātou ringaringa, i runga hoki i ō rātou pokohiwi.

9 Ā, ka utu nui anō ia ki ngā Tauiwi; ā, ehara i te mea ki ngā Tauiwi anake, engari ki te whare o Iharaira katoa, tae atu ana ki te whakamōhiotanga atu i ngā kawenata a te Matua o te rangi ki a Aperahama, e mea ana: Mā roto i ō uri ngā hapū katoa o te ao e manaakitia ai.

10 Ā ko tāku, e ōku tuākana, kia mōhio ai kōrua e kore e taea ngā hapū katoa o te ao te manaaki ki te kore e huraina e ia tōna ringa i ō ngā karu o ngā iwi.

11 Nā reira, ka tīmata atu te Ariki te Atua ki te whakahura i tōna ringa i ō ngā karu o ngā iwi, i runga i te whakaputanga i ana kawenata me tōna rongopai ki te hunga ko rātou nei nō te whare o Iharaira.

12 Nā reira, ka kawea anōtia mai ia ki waho i te hereherenga, ā, ka huihuia tahitia rātou ki ō rātou whenua tuku iho; ā, ka kawea mai rātou ki waho i te wāhi ngaro, ā, ki waho hoki i te pōuritanga; ā, ka mōhio rātou ko te Ariki tō rātou Kaiwhakaora me tō rātou Kaihoko, ko te Mea Kaha o Iharaira.

13 Ā, ko te toto o taua hāhi nui mōrikarika, koia te wahine pūremu o te ao, ka tahuri ake ki runga ki ō rātou upoko ake; nā te mea ka pakanga rātou i waenganui i a rātou anō, ā, ka taka iho te hoari o ō rātou ake ringaringa ki runga i ō rātou ake upoko, ā, ka haurangi anō rātou i ō rātou ake toto.

14 Ā, ko ia iwi e pakanga atu ai ki a koe, E te whare o Iharaira, ka whakatahuritia tētahi ki tētahi, ā, ka taka iho rātou ki tētahi rua kua keria kia mau ai ngā tāngata o te Ariki. Ā, ka whakangaromia te hunga katoa e whawhai ai kia Hīona, ā, ko taua wahine pūremu nui, kua rāwekehia e ia ngā huarahi tika o te Ariki, āe rā, ko taua hāhi nui mōrikarika, ka tanuku iho ki te puehu, ā, ka nui tōna hinganga.

15 Nana rā, tā te poropiti, e tere haere mai ana te wā e kore a Hātana e whaimana anō i runga i ngā ngākau o ngā tamariki a te tangata; nā te mea e tata haere mai ana te rā ko te hunga whakahīhī me te hunga anō e mahi whakarihariha ana ka meinga me he kakau witi; ā, e haere mai ana te rā me tahu rātou.

16 Nā te mea e tata haere mai ana te wā ka maringi iho te raneatanga o te riri o te Atua ki runga i ngā tamariki katoa a te tangata; nā te mea e kore ia e tuku kia whakangaro ai te hunga whakarihariha i te hunga tika.

17 Nā reira, māna te hunga tika e tiaki mā tōna mana, ahakoa mēnā ka ai he putanga mai o te raneatanga o tana riri, ā, ka tiakina te hunga tika, tae atu ana ki te whakangaromanga i ō rātou hoariri ki te ahi. Nā reira, kāore he take e wehi ai te hunga tika; nā te mea he pēnei tā te poropiti, ka whakaorangia rātou, ahakoa mēnā rānei mā te ahi.

18 Nana, e ōku tuākana, tāku ki a kōrua, me puta wawe mai ēnei mea; āe rā, ko te toto pū anō me te ahi, me te kohu nō te paoa e puta mai ai; ā, me tau mai anō ki runga i te mata o tēnei ao; ā, ka puta mai ki ngā tāngata e ai ki tō te kikokiko mehemea rānei ka whakapakekehia ō rātou ngākau ki te Mea Tapu o Iharaira.

19 Nana rā, kua kore te hunga tika e mate; nā te mea me haere mai te wā e hātepea atu ai te hunga katoa e whawhai ai ki a Hīona.

20 Ā, ka whakarite pū anō te Ariki i te huarahi mō tana iwi, tae atu ana ki te whakatutukitanga i ngā kupu a Mohi, nāna i kī, e mea ana: Ka whakaarahia ake e te Ariki tō Atua tētahi poropiti ki a koutou, he rite tahi ki ahau; koia tāu e rongo ai i ngā mea katoa he aha rawa tāna ki a koutou. Ā, ka pahawa ake, ko te hunga katoa e kore nei e rangona taua poropiti ka hātepea atu mai i waenganui i tana iwi.

21 Ā, māku ianei, mā Nīwhai, e whakapuaki atu ki a kōrua, ko taua poropiti i kōrerotia ai e Mohi ko ia te Mea Tapu o Iharaira; nā reira, māna e whakawā i runga i te tika.

22 Ā, kāore he aha e wehi ai te hunga tika, nā te mea ko rātou te hunga e kore nei e whakapōauautia. Engari ko ia ko te kīngitanga o te rēwera, koia ka hangaia ake i waenganui i ngā tamariki a te tangata, ko taua kīngitanga i whakapūmautia ai i waenganui i a rātou ko rātou nei nō roto i te kikokiko—

23 Nā, ka tere haere mai te wā, ko ngā hāhi katoa kua hangaia ake nei kia whaitaonga ai, ā, ko te hunga katoa kua whakatūria ake kia whaimana ai i runga i te kikokiko, ā, ko te hunga i whakatūria ake kia rongonui ai i ngā karu o te ao, ā, ko te hunga e kimihia ana ngā hiahia o te kikokiko me ngā mea o te ao, me te mahi i ngā momo tutu katoa; āe rā, hei whakapoto, ko te hunga katoa nō te kīngitanga o te rēwera ko rātou te hunga me wehi, me te wiri, me te tūoioi; ko rātou te hunga me kukume iho ki roto i te puehu; ko rātou te hunga me pau me he kakau witi; ā, e ai tēnei ki ngā kupu a te poropiti.

24 Ā, ka tere haere mai te wā ka ārahina ake te hunga tika me he kūao kau i te wharau kau, ā, me whakahaere e te Mea Tapu o Iharaira i runga i te tikanga rangatira, me te kaha, me te mana, me te korōria nui.

25 Ā, ka huihuia e ia ana tamariki mai i ngā tōpito e whā o te ao; ā, ka tatauria e ia ana hipi, ā, e mōhio ana rātou ki a ia; ā, kotahi te kāhui, ā, kotahi te hēpara; ā, māna anō ana hipi e whāngai, ā, mā roto i a ia rātou e kimi pātiki ai.

26 Ā, nā te tika o tana iwi, kāore ō Hātana mana; nā reira, tē taea ia te wewete atu mō te takiwā o ngā tau maha; nā te mea kāore ōna mana i runga i ngā ngākau o te iwi, nā te mea e noho ana rātou i te tika, ā, e whakahaere ana te Mea Tapu o Iharaira.

27 Ā, nana ianei, māku, mā Nīwhai, e kī atu nei ki a koutou me puta katoa mai ēnei mea e ai tō te kikokiko.

28 Engari, nana, ka noho haumarutia ngā iwi katoa, ngā hapū, ngā reo, me ngā tāngata i roto i te Mea Tapu o Iharaira mēnā rānei ka ai tā rātou rīpenata.

29 Ā, māku ināianei, mā Nīwhai, e whakamutu ai; nā te mea kei noho anō ahau ka kōrero i tua atu e pā ana ki ēnei mea.

30 Nā reira, e ōku tuākana, e manako ana ahau kia mōhio ai koutou he pono ngā mea kua tuhia i runga i ngā papa parāhe; ā, e whakaaturia me ngohengohe te tangata ki ngā whakahaunga a te Atua.

31 Nā reira, ehara i te mea me whakaaro koutou ko māua ko tōku matua anake kua whakaaturia, ā, kua whakaakona anō hoki rātou. Nā reira, mehemea koutou e ngohengohe ai ki ngā whakahaunga, ā, me te ū anō ki te mutunga, ka whakaorangia koutou a te rā whakamutunga. Ā, koia anō tēnei. Āmine.