1 Yalishca jipa Nefitacunapaman rircani, arrepentircani juramentomanda imata ñuca rurarcani ashtahuan paicunata na ayudangapa; paicuna cutin cuhuarca paicunapaj macanajuj runacunapaj mandota, paicuna ricuhuarca ñuca paicunapaj llaquicunamanda cacharichi ushajtashna.

2 Ashtahuangari riqui, ñuca shuyai illa carcani, imashpa yacharcani Apunchijpaj castigocunata imami paicunapaj jahuaman shamuna carca; imashpa paicuna na arrepentirishca carca paicunapaj na ali ruraicunamanda, ashtahuangari paicunapaj causaicunamanda macanajunajurca na mañashpa chai Causajta pimi paicunata rurashcata.

3 Yalishca jipa Lamanitacuna ñucanchipaj contra shamurca ñucanchi Jordánpaj llactaman calpashca jipa; ashtahuangari riqui, paicuna calpachi tucushca carca chaimanda chai punlla llactata na japirca.

4 Yalishca jipa ñucanchipaj contra cutin shamurca, ñucanchi charircanchi llactata. Cutishuj llactacunatapash maipi charishca carca Nefitacunahuan, shinlliyachishcacuna jarcarca ama llactaman yaicuchun imami carca ñucanchi ñaupapi, tucuchingapa ñucanchi alpapi causajcunata.

5 Ashtahuangari yalishca jipa chai alpacunata ñucanchi huashaman saquircanchi, chaipi causajcuna na tandachishcacunaca tucuchi tucushca carca Lamanitacunahuan, paicunapaj llactacuna, uchilla llactacuna, jatun llactacunapash ninahuan rupachishca carca; shina quimsa patsaj canchis chunga iscun huatacuna yalishca carca.

6 Yalishca jipa quimsa patsaj pusaj chunga huatapi Lamanitacuna cutin shamurca ñucanchi contra macanajungapa, ñucanchi manllai illa shayarircanchi; ashtahuangari cai tucui yanga carca, shina jatun taucacunapacha carca Nefitacunapaj llactapuracunata sarurca paicunapaj chaquicunahuan.

7 Yalishca jipa ñucanchi cutin calparcanchi, chai maijan calpashca Lamanitacunapaj calpaita ñapash yali carca, chai maijan calpashca Lamanitacunata na yalirca huañuchishpa, tucuchishcapash carca.

8 Cunan riqui, ñuca, Mormón, na munani llaquichingapa runacunapaj almacunata pintashpa paicunapaj ñaupapi shina manllanayai ricuchita huañuchishpa tucuchita imashna ricurcani; ashtahuangari ñuca, yachashpa cai cuzascuna ciertopacha rurashca carca, tucui cuzascuna ima pacashca can ricuchishca canga huasi jahuacunamanda—

9 Cai cuzasmanda yachai cuzascunapash shamungapacha cai llactapuracunapaj puchucunaman, Gentilcunamanbash, piman Apunchij nishca caiman chaiman chajchunga cai llactapuracunata, cai llactapuracuna yupashca canga yangapi paicunapapi—chaimanda ñuca quilcani shuj ashallayachishcata, na cushpa tucui tandachishpa quilcashca cuzascunamanda imata ñuca ricurcani, rurachunbacha saquishcamanda imata ñuca chasquircani, ama ninan jatunda llaquiyachunbash cai llactapuracunapaj na ali ruraicunamanda.

10 Cunan riqui, caita ñuca parlani paicunapaj cati aillucunaman, Gentilcunamanbash maijanguna preocuparin Israelpaj huasimanda, entendin, yachanbash maimanda paicunapaj achil yachishcacuna shamun.

11 Imashpa ñuca yachani shina llaquiringa Israelpaj huasi llaquicunamanda; ari, paicuna llaquiringa cai llactapuracunapaj tucurinamanda; paicuna llaquiringa cai llactapuracuna na arrepentirishcamanda chasqui tucushca cangapa Jesúspaj rigracunapi.

12 Cunan cai cuzascuna quilcashca can Jacobpaj huasi puchucunaman; caicuna cashna laya quilcashca can, Diospaj yachaimanda na ali ruraicunaca paicunapaman na ricurimungachu; pacashca canga Apunchijpa, caicuna shamui ushachun paipaj propio punllapi.

13 Cai can rurachunbacha saquishca imata ñuca chasquishcani; riqui, ricurimunga Apunchijpaj rurachunbacha saquishcamanda, imaura paipaj yachaipi ali cajpi.

14 Riqui, ringa na crijcunapaj Judíocunapi; cai munaipa ringa—convencingapa Jesús Cristo cajta, causaj Diospaj Churi; Taita pactachichun, paipaj ninan Juyashcamanda, paipaj jatun mana tucuri ruraita, cutin apamushpa Judíocunata, tucui Israelpaj huasi, paicunapaj chasquina alpa, imata Apunchij paicunapaj Dios paicunaman cushca, pactachingapa paipaj conveniota;

15 Cai llactapurapaj cati aillupash ashtahuan crichun paipaj quishpiringapa villaicunata, imami ringa paicunapaman Gentilcunapamanda; imashpa cai llactapuracuna caiman chaiman chajchushca canga, yanallaman tigranga, mapa, millanayai llactapura, ñucanchipurapi imashna cashcata ricuchishcata yali, ari, Lamanitacunapi tiashcata yali, cai can paicunapaj na crimanda, yanga dioscunata cungurinacunamandapash.

16 Riqui, Apunchijpaj Espíritu ña saquishca macanajuita paicunapaj taitacunahuan; paicuna can Cristo illa cai pachapi Dios illapash; calpachi tucushca can imashna ujshata huaira apan.

17 Shuj viaje juyailla llactapura carca, paicuna charirca Cristota paicunapaj michij cachun; ari, paicuna apai tucushca carca Dios Taitahuan.

18 Ashtahuangari cunan, riqui, Satanáshuan apai tucushca can, imashna ujshata huaira apan, nacashpa imashna shuj barco velacuna illa, ancla illa, nimapash illa imahuan pushana, huajtai tucun caiman chaiman cuyurin, shina can paicuna.

19 Riqui, Apunchij alichishca can paicunapaj achil yachishcacunata, imata paicuna alpapi chasquinman carca, Gentilcunaman picuna alpata charinga.

20 Ashtahuangari riqui, cai yalinga paicuna Gentilcunamanda calpachishca canga caiman chaiman; Gentilcunahuan caiman chaiman calpachi tucushpa jipa, riqui, shina Apunchij conveniota yaringa imata pai rurarca Abrahamman, tucui Israelpaj huasimanbash.

21 Apunchij yaringapashmi alita rurajcunapaj achil mañaicunata, imata paipaman rishca paicunamanda.

22 Shina, Oh Gentilcuna, imashnashi shayari ushanguichi Diospaj ushai ñaupapi, imashpapash arrepentirishpalla na ali ñangunamanda tigramushpalla?

23 Nachu yachanguichi Diospaj maquicunapi canguichita? Nachu yachanguichi pai tucui ushaita charijta, paipaj jatun mandatomanda alpa tandanajushpa pilluringatapash shuj rollo laya?

24 Chaimanda, arrepentirichi, humillarichi paipaj ñaupapi, imashpapash jatarinman alicaipi cangunapaj contra—imashpapash Jacobpaj cati aillupaj puchucuna rinman cangunapaman shuj león laya, pedazocunapi fitinman, pipash na tianmanbash cacharichingapa.