1 Cunan, ñuca parlanipash chai maijan Cristopi na crijcunaman.

2 Riqui, cringuichichu cangunapaj llaquichina punllapi—riqui, imaura Apunchij shamunga, ari, chai jatun punllapi imaura alpa paipura pillushca canga shuj rollo laya, elementocunapash yacuyanga ninan rupaihuan, ari, chai jatun punllapi imaura canguna shayarichun apamushca canguichi Diospaj Llamagupaj ñaupapi—shina canguna ninguichichu Dios na tian?

3 Shina ashtahuan canguna Cristota negashpa catinguichicha, nacashpa ricui ushanguichicha Diospaj Llamaguta? Yanguichichu paihuan causanguichita cangunapaj juchachina yuyaihuan? Yanguichichu cushilla cai ushanguichita causashpa achil Causajhuan, ricushpa cangunapaj almacunata llaquichishpa can shuj culpa yuyaihuan punllan punllan paipaj catichunbacha saquishcacunata na cazushca cashpa?

4 Riqui, ñuca cangunaman nini ashtahuan llaquinayaicuna canguichi causashpa shuj achilhuan, ali Dios-huan, cangunapaj mapa yuyaihuan paipaj ñaupapi, causashpashna llaquichi tucushca almacunahuan ucu pachapi.

5 Riqui, imaura canguna apamushca cajpi cangunapaj churajushca illata ricuchun Diospaj ñaupaman, Diospaj punchapambatapash, Jesucristopaj achilcaitapash, cai japiringa shuj na huañushpa rupajuj nina cangunapaj jahuapi.

6 Oh shina canguna na crijcuna, Apunchijpaman tigrarichi; ninandapacha mañaichi Taitata Jesúspaj shutipi, imashpapash canguna mapa illa canguichipash, puro, juyailla, yura, maillashca cashpa Llamagupaj yahuarhuan, chai jatun tucuri punllapi.

7 Cutin ñuca parlani cangunaman maijan neganguichi Diospaj achil ricuchinacunata, maijan ninguichipash caicuna ña tucurishcami, achil ricuchinacuna na tian, nacashpa achil villashcacuna, carashcacuna, jambinacuna, shimirimaicunapi parlaicuna, shimirimaipi tigrachicunapash;

8 Riqui ñuca cangunata nini, maijan cai cuzascunata negan cai cuzascunata Cristopaj quishpiringapa villaicunata na yachan; ari, pai na liishca achil quilcashcacunata; shina cajpi, pai na caicunata entendin.

9 Nachu ñucanchi liinchi Dios paillata can caina, cunan, imaurapash na tucurinacaman, paipi na tian shujman tigraricuna, tigraringapaj llandupash?

10 Cunan, yuyashca cashpa shuj tigrarij diosta, paipi tigrarinapaj llandu, shina yuyashcanguichi shuj dios pimi na can shuj Dios juyailla ruraita ricuchinacunapaj.

11 Ashtahuangari riqui, ñuca ricuchisha cangunaman shuj Dios juyailla ruraita ricuchicunapaj, Abrahampaj Dios, Isaacpaj Dios, Jacobpaj Dios; cai can chai Diosllata pimi rurarca jahua pachacunata, cai pachatapash, tucui cuzascunata imami paicunapi tian.

12 Riqui, pai rurashca Adánda, Adánmanda shamurca runapaj urmai. Runapaj urmaimanda shamun Jesucristo, Taitapash, Churipash; Jesucristomanda shamun runapaj jatun causachina.

13 Runapaj jatun causachinamanda, ima shamun Jesucristomanda, paicuna tigrai apashca can Apunchijpaj ñaupaman; ari, cai can imashna tucui runacuna quishpirishca can, Cristopaj huañuimanda apamun cutin jatarinata yalina, imami apamun yalichun shuj jatun causachina na tucurita charij puñuimanda, ima puñuimanda tucui runacuna causachishca canga Diospaj ushaihuan imaura trompeta huacajpi; paicuna llujshimunga, ishcandi uchilla, jatunbash, tucui paipaj jatun shayarina ñaupapi shayaringa, quishpichishca cashpa, cacharirishca cai mana tucurina huañuipaj huatanamanda, ima huañui shuj temporal huañui can.

14 Shina shamun Achilpaj ricushpa chasquichina paicunapaj jahuapi; shina shamun punlla pai mapalla cashpa mapallara canga; pai ali ruraj cashpa, ali rurajra canga; pai cushilla cashpa cushillara canga; pai na cushilla cashpa, na cushillara canga.

15 Cunan, Oh tucui canguna yuyashcacunata cangunamandallata shuj dios pimi juyailla ruraita ricuchinacunata na rurai ushajta, ñuca munani cangunata tapungapa, ñachu yalishca tucui cuzascunata, imamanda ñuca parlashcani? Ñachu chayashca tucuri? Riqui ñuca cangunaman nini, Na; Dios na saquirishca juyailla ruraita ricuchinacunapaj Dios caita.

16 Riqui, nachu cuzascuna can juyaillacuna cangunapaj ñavipi? Ari, pimi entendi ushan Diospaj juyailla ruraicunata?

17 Pita ninga cai na carca shuj juyailla ruraita ricuchina chai paipaj shimimanda jahua pachata, alpapash tiachun; paipaj ushaimanda runa rurashca carca alpamanda alpahuan; paipaj shimipaj ushaimanda juyailla ruraita ricuchinacuna rurashca can?

18 Pita ninga Jesucristo na rurashca tauca ninan juyailla ruraita ricuchinacunata? Tiarcapash tauca ninan juyailla ruraita ricuchinacuna rurashca apóstolcunapaj maquicunahuan.

19 Shina juyailla ruraita ricuchinacuna rurashca cashpaca, imashpata Dios saquishcanga juyailla ruraita ricuchinacunapaj Dios caita ashtahuangari shuj na tigrarij Causaj cashpa? Riqui, ñuca nini cangunaman pai na tigrajchu; shina cashpaca pai saquinman Dios caita; pai na saquishca Dios caita, canbashmi shuj Dios juyailla ruraita ricuchinacunapaj.

20 Imamanda pai juyailla ruraita ricuchinacunata runacunapaj huahuacunahuan ruraita saquin can imashpa paicuna na crishpa asha asha chingarimanda, ali ñanmanda anchurinbash, Diosta na rijsinbash maijanbi paicuna confianata.

21 Riqui, ñuca cangunaman nini maijan Cristopi crijcuna, nimata na dudashpa, maijanbash imatapash Taitata Cristopaj shutipi mañajpi caita cushca canga; paipaj nishcapacha tucuipa can, cai alpa tucurinacaman.

22 Riqui, shina nirca Jesucristo, Diospaj Churi, paipaj discípulocunaman picuna catigrinajurca, ari, tucui paipaj discípulocunamanbash, taucapachacunapaj uyaipi: Richi tucui cai pachaman, yachachi quishpiringapa villaicunata tucui causajcunaman;

23 Maijan crin, bautizarinbash quishpirishca canga, ashtahuangari maijan na crin llaquichi tucushca canga;

24 Cai señalcuna catinga crijcunaman—ñuca shutipi ayacunata llujchishpa cachanga; paicuna parlanga mushuj shimicunahuan; paicuna japinga culebracunata; huañungapa imatapash ufiashpapash na imapash tucunga; ungushcapaj jahuapi maquicunata churanga paicuna ali tucunga;

25 Maijanbash ñuca shutipi crijpi, nimata na dudashpa, paiman tucui ñuca shimicunata Ñuca testificasha, alpa tucurinacamanbash.

26 Cunan, riqui, pita Apunchijpaj rurashcacunapaj contra caita ushan? Pita paipaj nishcacunata negai ushan? Pita jataringa Apunchijpaj ninan ushaipaj contra? Pita yangapi churanga Apunchijpaj rurashcacunata? Pita yangapi churanga Cristopaj huahuacunata? Riqui, tucui picuna canguichi yangapi churajcuna Apunchijpaj rurashcacunata, imashpa manllaringuichimi, tucuringuichipashmi.

27 Oh shina ama yangapi churaichi, ama manllarichi, ashtahuangari Apunchijpaj shimicunata uyaichi, mañaichi Taitata Jesúspaj shutipi ima cuzasta minishtishcata. Na dudashpa, ashtahuangari crishpa, callarishpa punda punllacunapi, Apunchijpaman shamuichi tucui cangunapaj shunguhuan, trabajaichi cangunapaj propio quishpirinapi manllaihuan paipaj ñaupapi chujchushpa.

28 Yachaj caichi cangunapaj ruraj na ruraj ricuna punllacunapi; anchuchichi tucui mapacunata; ama mañaichi, cangunapaj munashcapi tucurinata, ashtahuangari mañai shinlli caita, na cuyurina, tentaciónman ama curingapa, ashtahuangari sirvingapa ciertopacha causajuj Diosta.

29 Cuidarichi indigno bautizaringapa; cuidarichi indigno Cristopaj sacramento chasquingapa; ashtahuangari cuidarichi tucui cuzascunata dignopi rurangapa, caita rurai Jesucristopaj shutipi, causaj Diospaj Churi; caita rurashpaca, tucurinacaman catiriashpa, nimamanda na shitashca canguichi.

30 Riqui, ñuca cangunaman parlani huañushcacunapamanda parlan laya; imashpa ñuca yachani canguna ñuca shimicunata chasquinguichita.

31 Ama na alicachihuaichi ñuca na perfecto caimanda, ñuca taitapash, paipaj na perfecto caimanda, maijan paipaj ñaupa quilcashcacunapash; ashtahuangari Diosta pagui nichi pai cangunaman ricuchishcamanda ñucanchipaj na perfecto caicunata, canguna yachajui ushachun ashtahuan yachaj caita ñucanchi cashcata yali.

32 Cunan, riqui, ñucanchi quilcashcanchi cai tandachishpa quilcashcata ñucanchi yachaimanda, caractercunapi ima shutichishca can ñucanchipi Egipcio reformado, maquin maquin yalichishca cashpa ashata cambiashcapash ñucachimanda, ñucanchipaj parlai layamanda.

33 Ñucanchi jirru fangacuna ali jatun cajpica Hebreopi quilcanchiman carca; ashtahuangari Hebreo ashata cambiashca carca ñucanchimanda; ñucanchi quilcai ushanchiman carca Hebreopi, riqui, canguna na charinguichiman carca imperfecciónda ñucanchi quilcashcapi.

34 Ashtahuangari Apunchij yachan cuzascunata imata ñucanchi quilcashcanchi, ashtahuan cutishuj llactapuracunapash na yachan ñucanchi rimaita; pipash cutishuj llactapuracuna ñucanchi rimaita na yachaimanda, chaimanda pai imatapash rurashca caita tigrachingapa.

35 Cai cuzascuna quilcashca can ñucanchi churajunacuna maillashca cachun ñucanchi huauquicunapaj yahuarmanda, picuna na crishpa asha asha chingarishca.

36 Riqui, cai cuzascuna imata ñucanchi munashcanchi ñucanchi huauquicunamanda, ari, paicuna cutin apamunamanda Cristopaj yachaiman, tucui santocunapaj tucui achil mañaicunamanda can picunami cai alpapi causashca.

37 Apunchij Jesucristo chasquichichun paicunapaj achil mañaicuna tigrachishca cachun paicunapaj femanda; Dios Taita yarichunbash conveniota imata pai rurashca Israelpaj huasihuan; pai achilyachichun paicunata mana tucurinacaman, femanda Jesucristopaj shutipi. Shinacapashcachun.