1 Cunan, riqui, ñuca parlangapa munani cai llactapuracunapaj puchucunaman maijan huacaichishcacuna, cai shina cajpica Dios paicunaman cuchun ñuca shimicunata, paicuna yachachun paicunapaj taitacunapaj cuzascunata; ari, ñuca parlani cangunaman, Israel huasipaj puchucuna; caicuna can shimicuna imata ñuca parlani:

2 Yachaichi canguna canguichi Israelpaj huasi.

3 Yachaichi arrepentirinapacha canguichi, nacashpaca na quishpiringuichi.

4 Yachaichi macanajunacunata saquina canguichi, ama ashtahuan cushijuichipash yahuarta jichashpa, ama cutinbash japichi, ashtahuangari Dios mandajpilla.

5 Yachaichi shamunapacha canguichita cangunapaj taitacunapaj yachaiman, arrepentirichi tucui cangunapaj juchacunamanda, na ali ruraicunamandapash, Jesucristopi crichi, pai cajta Diospaj Churi, pai huañuchi tucushcapash carca Judíocunahuan, Taitapaj ushaihuan cutin jatarirca, chaimanda pai mishai usharca pambana pushtu jahuapi; paipi huañuipaj tujsinapash yalishca can.

6 Pai apan yalichun huañuipaj cutin causarinata, caimanda runa cutin causaringa paipaj jatun tiarina ñaupapi shayaringapa.

7 Pai apamushca yalichun cai pachapaj jatun causachinata, caimanda maijan inocente cajta tupashpa paipaj ñaupapi ricushpa chasquichina punllapi paiman cushca canga causachun Diospaj ñaupapi paipaj reinopi, mana tucurina alabanzacuna cantangapa jahua pacha corocunahuan, Taitaman, Churimanbash, Espíritu Santomanbash, picuna shujlla Dios can, cushijui canapi imami na tucurita charin.

8 Chaimanda arrepentirichi, bautizarichi Jesúspaj shutipi, charirichi Cristopaj quishpiringapa villaicuna jahuapi, ima churashca canga cangunapaj ñaupapi, na cai quilcashcallapi ashtahuangari quilcashcapipash ima shamunga Judíocunapamanda Gentilcunaman, cai quilcashca shamunga Gentilcunamanda cangunapaman.

9 Riqui, cai quilcashca can canguna crichun munaimanda; canguna chaicunata crishpa caita cringuichipashmi; caipi crishpa yachanguichipash cangunapaj taitacunamanda, juyailla ruraicunatapash ima carca paicunapapi rurashca Diospaj ushaihuan.

10 Yachanguichipashmi Jacobpaj cati aillucunapaj puchucuna canguichita; chaimanda yupai tucushca canguichi callari conveniopaj llactapuracunahuan; cai shina cajpi Cristopi crishpa, bautizarishpa, yacupira, jipaman ninahuan Espíritu Santohuanbash, ñucanchi Jatun Quishpichij ricuchishcata catishpa, imata pai ñucanchita mandashcamanda, cai ali canga cangunahuan ricushpa chasquichina punllapi. Shinacapashcachun.