Sehluko 1Amaroni uyala Mormon mayelana nemibhalo lengcwele—Imphi iyacala emkhatsini wemaNefi nemaLamani—EmaNefi lamatsatfu ayatsatfwa—Bubi, kungakholwa, kulumba, nebutsakatsi kuyandza. Cishe ngemnyaka weNkhosi wa 321 kuya kuwa 326. Sehluko 2Mormon uhola emabutfo emaNefi—Ingati kanye nekubulawa kwebantfu labaningi kutsanyela live—EmaNefi ayalila futsi akhaliswa lusizi lwekulahlwa—Lusuku lwabo lwemusa selwendlulile—Mormon utfola boNgcwengcwe baNefi—Timphi tiyachubeka. Cishe ngemnyaka weNkhosi wa 327 kuya kuwa 350. Sehluko 3Mormon ushumayela kuphendvuka kumaNefi—Atfola kuncoba lokukhulu futsi ayatikhukhumeta ngenca yemandla awo—Mormon uyala kuwahola, nemithandazo yakhe ngabo ite lukholo—INcwadzi yaMormon imema tivana letilishumi nakubili taka-Israyeli kutsi tikholwe livangeli. Cishe ngemnyaka weNkhosi wa 360 kuya kuwa 362. Sehluko 4Imphi kanye nekubulawa kwebantfu labaningi kuyachubeka—Lababi bajezisa lababi—Bubi lobukhulu buyadlanga ngendlela lengatange ibonwe ngaphambilini kulo lonkhe laka-Israyeli—Besifazane kanye nebantfwana baba ngumnikelo wetitfombe—EmaLamani acala kuwasusa emaNefi phambi kwawo. Cishe ngemnyaka weNkhosi wa 363 kuya kuwa 375. Sehluko 5Mormon uphindze uhola emabutfo emaNefi etimphini tengati nekubulawa kwebantfu labaningi—INcwadzi yaMormon itawukuta kute yente bonkhe baka-Israyeli bakholwe kutsi Jesu unguKhristu—Ngenca yekungakholwa kwawo, emaLamani atawuhlakatwa, naMoya utawuyekela kuhlala nabo—Atawutfola livangeli kubeTive etinsukweni tekugcina. Cishe ngemnyaka weNkhosi wa 375 kuya kuwa 384. Sehluko 6EmaNefi abutsana eveni laseKhumora kute acedzele timphi tekugcina—Mormon uyayifihla imibhalo lengcwele egcumeni iKhumora—EmaLamani ayancoba, futsi sive semaNefi siyabhujiswa—Emakhulu etinkhulungwane abulawa ngenkemba. Cishe ngemnyaka weNkhosi wa 385. Sehluko 7Mormon umema emaLamani etinsuku tekugcina kutsi akholwe kuKhristu, emukele livangeli Lakhe, aphindze asindziswe—Bonkhe labalikholwako libhayibheli batawuyikholwa iNcwadzi yaMormon. Cishe ngemnyaka weNkhosi wa 385. Sehluko 8EmaLamani atfungatsa emaNefi aphindze ayawabulala—Incwadzi yaMormon itawuvela ngemandla aNkulunkulu—Lusizi luyamenyetelwa kulabo labakhuluma ngelulaka kanye nangekulwa ngalokumelene nemsebenti weNkhosi—Umbhalo wemaNefi utawuvela ngelusuku lwebubi, lwekonakala, kanye nelwekuhlubuka. Cishe ngemnyaka weNkhosi wa 400 kuya kuwa 421. Sehluko 9Moroni uncusa labo labangakholwa kuKhristu kutsi baphendvuke—Watisa ngaNkulunkulu wetimangaliso, lonika tembulo nalotfululela tipho netibonakaliso kulabetsembekile—Timangaliso tiyaphela ngenca yekungakholwa—Tibonakaliso tilandzela labo labakholwako—Bantfu bayancuswa kutsi bahlakaniphe baphindze bagcine imiyaleto. Cishe ngemnyaka weNkhosi wa 401 kuya kuwa 421.