Hilamani

Imibhalo Lengcwele

INcwadzi yaMormon

Sendvulelo naboFakazi
1 Nefi
2 Nefi
Jakobe
Enoshi
Jaromu
Omini
EmaVi aMormon
Mosiya
Alima
Hilamani
3 Nefi
4 Nefi
Mormon
Etheri
Moroni
Sicondziso seNkhomba eNcwadzini yaMormon

Hilamani

Sehluko 1
Phahorani wesibili uba ngumehluleli lomkhulu futsi ubulawa nguKhishkhumeni—Phakhumeni ungena esihlalweni sekwehlulela—Khoriyanthuma uhola emabutfo emaLamani, utsatsa iZarahemla, futsi ubulala Phakhumeni—Moroniha uncoba emaLamani futsi uphindze uyayitsatsa iZarahemla, naKhoriyanthuma uyabulawa. Cishe ngemnyaka wa 52 kuya kuwa 50 ngaphambi kwekutalwa kwaKhristu.
Sehluko 2
Hilamani, indvodzana yaHilamani, uba ngumehluleli lomkhulu—Gadiyanthoni uhola licembu laKhishkhumeni—Inceku yaHilamani ibulala Khishkhumeni, nelicembu laGadiyanthoni libalekela ehlane. Cishe ngemnyaka wa 50 kuya kuwa 49 ngaphambi kwekutalwa kwaKhristu.
Sehluko 3
EmaNefi lamaningi atfutsela eveni lelingasenyakatfo—Akha tindlu tasemende aphindze agcina imibhalo leminingi—Emashumi etinkhulungwane ayaphendvuka aphindze ayabhajatiswa—Livi laNkulunkulu liholela bantfu ensindzisweni—Nefi indvodzana yaHilamani utsatsa sihlalo sekwehlulela. Cishe ngemnyaka wa 49 kuya kuwa 39 ngaphambi kwekutalwa kwaKhristu.
Sehluko 4
Emahlubuka emaNefi kanye newemaLamani ahlanganisa emabutfo futsi atsatsa live laseZarahemla—Kwehlulwa kwemaNefi kufika ngenca yebubi bawo—Libandla liyancipha, futsi nebantfu baba butsakatsaka njengemaLamani. Cishe ngemnyaka wa 38 kuya kuwa 30 ngaphambi kwekutalwa kwaKhristu.
Sehluko 5
Nefi naLehi batinikela ekushumayeleni—Emabito abo abakhutsata kutsi timphilo tabo batente tifane netabokhokho babo—Khristu uhlenga labo labaphendvukako—Nefi naLehi bagucula labaningi futsi bayaboshwa, batungeletwa ngumlilo—Lifu lebumnyama limbonya bantfu labangemakhulu lamatsatfu—Umhlaba uyatamatama, futsi livi liyaleta bantfu kutsi baphendvuke—Nefi naLehi bakhuluma netingilosi, nesicuku situngeletwa ngumlilo. Cishe ngemnyaka wa 30 ngaphambi kwekutalwa kwaKhristu.
Sehluko 6
EmaLamani lalungile ashumayela kumaNefi lamabi—Omabili emacembu ebantfu ayaphumelela ngesikhatsi sekuthula nesenala—Lusifa, umcambi wesono, uphehla tinhlitiyo talababi kanye netigebengu taGadiyanthoni ngalokuphatselene nekubulala nebubi—Tigebengu titsatsa umbuso wemaNefi. Cishe ngemnyaka wa 29 kuya kuwa 23 ngaphambi kwekutalwa kwaKhristu.
Sehluko 7
Nefi uyaliwa enyakatfo futsi ubuyela eZarahemla—Uyathandaza embhoshongweni losensimini yakhe emvakwaloko uncusa bantfu kutsi baphendvuke noma bafe. Cishe ngemnyaka wa 23 kuya kuwa 21 ngaphambi kwekutalwa kwaKhristu.
Sehluko 8
Behluleli labakhohlakele baphehla bantfu ngalokumelene naNefi—Abrahama, Zenoshe, Zenokhi, Eziyasi, Isaya, Jeremiya, Lehi kanye naNefi bonkhe bafakaza ngaKhristu—Ngekuphefumulelwa nguMoya Nefi watisa ngekubulawa kwemehluleli lomkhulu. Cishe ngemnyaka wa 23 kuya kuwa 21 ngaphambi kwekutalwa kwaKhristu.
Sehluko 9
Titfunywa titfola umehluleli lomkhulu afile esihlalweni sekwehlulela—Tiyaboshwa futsi kamuva tiyakhululwa—Ngekuphefumulelwa ngumoya Nefi ukhomba Siyantham njengembulali—Nefi wemukelwa ngulabanye njengemphrofethi. Cishe ngemnyaka wa 23 kuya kuwa 21 ngaphambi kwekutalwa kwaKhristu.
Sehluko 10
INkhosi inika Nefi emandla ekubopha—Uniketwa emandla ekubopha kanye nekukhulula emhlabeni kanye nasezulwini—Uyala bantfu kutsi baphendvuke noma bafe—Umoya uyamtfwala umyisa eticukwini ngeticuku. Cishe ngemnyaka wa 21 kuya kuwa 20 ngaphambi kwekutalwa kwaKhristu.
Sehluko 11
Nefi ukholisa iNkhosi kutsi iletse indlala esikhundleni semphi yabo—Bantfu labaningi bayafa—Bayaphendvuka, futsi Nefi uncenga iNkhosi kutsi batfole imvula—Nefi kanye naLehi batfola letiningi tembulo—Tigebengu taGadiyanthoni tiyatibeka eveni. Cishe ngemnyaka wa 20 kuya kuwa 6 ngaphambi kwekutalwa kwaKhristu.
Sehluko 12
Bantfu bayagucugucuka futsi batiwula baphindze bayashesha kwenta lokubi—INkhosi ijezisa bantfu Bayo—Kungabi lutfo kwebantfu kucatsaniswa nemandla aNkulunkulu—Ngelusuku lwekwehlulela, bantfu batawuzuza imphilo yaphakadze noma kulahlwa kwaphakadze. Cishe ngemnyaka wesi 6 ngaphambi kwekutalwa kwaKhristu.
Sehluko 13
Samuweli umLamani uphrofetha ngekubhujiswa kwemaNefi ngaphandle kwekutsi aphendvuke—Wona nemcebo wawo ayacalekiswa—Alahla aphindze agcoba baphrofethi ngematje, atungeletwa ngemadimoni, futsi etama kutfola injabulo ekwenteni bubi. Cishe ngemnyaka wesi 6 ngaphambi kwekutalwa kwaKhristu.
Sehluko 14
Samuweli ubika kukhanya ngesikhatsi sasebusuku kanye nenkhanyeti lensha ngekutalwa kwaKhristu—Khristu ukhulula bantfu ekufeni kwemtimba kanye nekwakamoya—Tibonakaliso tekufa Kwakhe kutawuba tinsuku letintsatfu tebumnyama, kuchekeka kwemadvwala, kanye nekubhedvuka lokukhulu kwemvelo. Cishe ngemnyaka wesi 6 ngaphambi kwekutalwa kwaKhristu.
Sehluko 15
INkhosi yawajezisa emaNefi ngoba beyiwatsandza—EmaLamani laphendvukile acinile futsi asimile elukholweni—INkhosi itawuba nemusa kumaLamani ngetinsuku tekugcina. Cishe ngemnyaka wesi 6 ngaphambi kwekutalwa kwaKhristu.
Sehluko 16
EmaNefi lakholwa Samuweli abhajatiswa nguNefi—Samuweli akabulaleki ngemicibisholo kanye nangematje emaNefi langakaphendvuki—Labanye benta lukhuni tinhlitiyo tabo, futsi labanye babona tingilosi—Labangakholwa batsi akunamcondvo kukholwa kuKhristu kanye nekuta kwakhe eJerusalema. Cishe ngemnyaka wesi 6 kuya kuweku 1 ngaphambi kwekutalwa kwaKhristu.