Mosiya

Imibhalo Lengcwele

INcwadzi yaMormon

Sendvulelo naboFakazi
1 Nefi
2 Nefi
Jakobe
Enoshi
Jaromu
Omini
EmaVi aMormon
Mosiya
Alima
Hilamani
3 Nefi
4 Nefi
Mormon
Etheri
Moroni
Sicondziso seNkhomba eNcwadzini yaMormon

Mosiya

Sehluko 1
Inkhosi Bhenjamini ifundzisa emadvodzana ayo lulwimi kanye netiphrofetho taboyise—Inkholo kanye nemphucuko yabo ilondvolotwe ngenca yemibhalo leyayigcinwe kubongcwengcwe labatinhlobonhlobo—Mosiya uyakhetfwa njengenkhosi futsi uniketwa kutsi agcine imibhalo kanye naletinye tintfo. Cishe ngemnyaka wa 130 kuya kuwa 124 ngaphambi kwekutalwa kwaKhristu.
Sehluko 2
Inkhosi Bhenjamini itfula inkhulumo kubantfu bayo—Ilandzisa ngekulingana, kulunga kanye nangekwemoya wekubusa kwakhe—Ibeluleka kutsi basebentele iNkhosi yabo yaseZulwini—Labo labavukela Nkulunkulu bayokuva buhlungu lobufana nemlilo longacimi. Cishe ngemnyaka wa 124 ngaphambi kwekutalwa kwaKhristu.
Sehluko 3
Inkhosi Bhenjamini iyachubeka nenkhulumo yayo—INkhosi leneMandla Onkhe itawusebenta emkhatsini webantfu isedvokodvweni lelubumba—Ingati itawuphuma kuto tonkhe timbobo tesikhumba ngesikhatsi ihlawulela tono temhlaba—Layo ngilo kuphela libito lekuta ngalo insindziso. Bantfu bangamkhumula umuntfu wemvelo babe ngulabaNgcwele ngeNhlawulo—Kuhlupheka kwalababi kutawuba njengelichibi lemlilo kanye nesibabule. Cishe ngemnyaka wa 124 ngaphambi kwekutalwa kwaKhristu.
Sehluko 4
Inkhosi Bhenjamini iyachubeka nenkhulumo yayo—Insindziso ita ngenca yeNhlawulo—Kholwa kuNkulunkulu kute usindziswe—Gcina kutsetselelwa kwetono takho ngekwetsembeka—Phani loko lonako kulabamphofu—Yenta tonkhe tintfo ngekuhlakanipha kanye nangeluhlelo. Cishe ngemnyaka wa 124 ngaphambi kwekutalwa kwaKhristu.
Sehluko 5
LabaNgcwele baba ngemadvodzana kanye nemadvodzakati aKhristu ngelukholo—Ngenca yaloko babitwa ngelibito laKhristu—Inkhosi Bhenjamini ibancusa kutsi basime banganyakatiswa emisebentini lemihle. Cishe ngemnyaka wa 124 ngaphambi kwekutalwa kwaKhristu.
Sehluko 6
Inkhosi Bhenjamini ibhala emabito ebantfu phindze ibeka baphristi kutsi babafundzise—Mosiya ubusa njengeNkhosi lelungile. Cishe ngemnyaka wa 124 kuya kuwa 121 ngaphambi kwekutalwa kwaKhristu.
Sehluko 7
Amoni utfola live lemaLehi-Nefi, lapho Limhayi ayinkhosi khona—Bantfu baLimhayi basebugcilini kumaLamani—Limhayi ulandza umlandvo wabo—Umphrofethi (Abinadi) bekafakazile kutsi Khristu unguNkulunkulu naBabe wato tonkhe tintfo—Labo labahlanyela kungcola bavuna sivunguvungu, nalabo lababeka litsemba labo eNkhosini batawukhululwa. Cishe ngemnyaka wa 121 ngaphambi kwekutalwa kwaKhristu.
Sehluko 8
Amoni ufundzisa bantfu baLimhayi—Ufundza ngabongcwengcwe labangemashumi lamabili nakune bemaJarede—Imibhalo yasendvulo ingahunyushwa baboni—Kute sipho lesikhulu kunesekuba ngumboni. Cishe ngemnyaka wa 121 ngaphambi kwekutalwa kwaKhristu.
Sehluko 9
Zenifi uhola licembu lelisuka eZarahemla kuyotsatsa live lemaLehi-Nefi—Inkhosi yemaLamani ibavumela kutsi balitsatse live njengelifa labo—Kukhona imphi emkhatsini wemaLamani kanye nebantfu baZenifi. Cishe ngemnyaka wa 200 kuya kuwa 187 ngaphambi kwekutalwa kwaKhristu.
Sehluko 10
Inkhosi Lamani iyafa—Bantfu bayo batidlova futsi banelunya baphindze bakholelwa emasikweni langemanga—Zenifi kanye nebantfu bakhe bayabehlula. Cishe ngemnyaka wa 187 kuya kuwa 160 ngaphambi kwekutalwa kwaKhristu.
Sehluko 11
Inkhosi Nowa ibusa ngebubi—Ijabulela kuphila ngesiphitsiphitsi nebafati bayo kanye netintfombi—Abinadi uphrofetha kutsi bantfu batawutsatfwa bayiswe ebugcilini—Imphilo yakhe ifunwa yinkhosi Nowa. Cishe ngemnyaka wa 160 kuya kuwa 150 ngaphambi kwekutalwa kwaKhristu.
Sehluko 12
Abinadi uboshelwa kuphrofetha ngekubhujiswa kwebantfu kanye nekufa kweNkhosi Nowa—Baphristi bemanga bacaphuna imibhalo lengcwele futsi benta shengatsi bayayigcina imitsetfo yaMosi—Abinadi ucala kubafundzisa imiYaleto leLishumi. Cishe ngemnyaka wa 148 ngaphambi kwekutalwa kwaKhristu.
Sehluko 13
Abinadi uvikelwa ngemandla aNkulunkulu—Ufundzisa imiYaleto leliShumi—Insindziso ayiti ngemtsetfo waMose kuphela—Nkulunkulu lucobo Lwakhe utawukwenta inhlawulo futsi ahlenge bantfu Bakhe. Cishe ngemnyaka wa 148 ngaphambi kwekutalwa kwaKhristu.
Sehluko 14
Isaya ukhuluma njengaMesiya—Kwedzelelwa kanye nekuhlupheka kwaMesiya kuyashiwo—Wenta umphefumulo Wakhe ube ngumnikelo wesono futsi uncengela toni—Catsanisa na-Isaya 53. Cishe ngemnyaka wa 148 ngaphambi kwekutalwa kwaKhristu.
Sehluko 15
Khristu uyiNdvodzana kanjani aphindze abe nguYise—Utawuncengela aphindze atfwale tiphambeko tebantfu Bakhe—Bona kanye nabo bonkhe baphrofethi labangcwele bayintalelwane Yakhe—Ufeza Kuvuka—Bantfwana labancane banekuphila lokuphakadze. Cishe ngemnyaka wa 148 ngaphambi kwekutalwa kwaKhristu.
Sehluko 16
Nkulunkulu uhlenga bantfu esimeni sabo sekulahleka kanye nesekuwa—Labo labanaka inyama basala shengatsi akutange kube khona kuhlengwa—Khristu uphumelelisa kuvuka ekuphileni lokungeke kuphele noma buhlungu lobungeke buphele. Cishe ngemnyaka wa 148 ngaphambi kwekutalwa kwaKhristu.
Sehluko 17
Alima uyawakholelwa futsi uyawabhala emavi a-Abinadi—Abinadi uva buhlungu ngekufa ngemlilo—Uphrofetha ngesifo kanye nekufa ngemlilo kubabulali bakhe. Cishe ngemnyaka wa 148 ngaphambi kwekutalwa kwaKhristu.
Sehluko 18
Alima ushumayela ngansense—Uchaza ngesivumelwano sembhabhatiso futsi ubhabhatisa emantini aMormon—Uhlela liBandla laKhristu futsi ugcoba baphristi—Batondla bona futsi bafundzisa bantfu—Alima kanye nebantfu bakhe babalekela inkhosi Nowa baya ehlane. Cishe ngemnyaka wa 147 kuya kuwa 145 ngaphambi kwekutalwa kwaKhristu.
Sehluko 19
Gideyoni ufuna kubulala inkhosi Nowa—EmaLamani ahlasela live—Inkhosi Nowa iva buhlungu bekufa ngemlilo—Limhayi ubusa njengenkhosi yelive lengaphansi kwalomunye umbusi lonemandla kunaye. Cishe ngemnyaka wa 145 kuya kuwa 121 ngaphambi kwekutalwa kwaKhristu.
Sehluko 20
Lamanye emadvodzakati emaLamani atfunjwa baphristi baNowa—EmaLamani aphaka imphi kuLimhayi kanye nebantfu bakhe—Emabutfo emaLamani abuyiselwa emuva futsi ayatfotjiswa. Cishe ngemnyaka wa 145 kuya kuwa 123 ngaphambi kwekutalwa kwaKhristu.
Sehluko 21
Bantfu baLimhayi bayashaywa futsi bayehlulwa ngemaLamani—Bantfu baLimhayi bahlangana na-Amoni baphindze bayaphendvuka—Batjela Amoni ngabongcwengcwe labangemashumi lamabili nakune bemaJaredi. Cishe ngemnyaka wa 122 kuya kuwa 121 ngaphambi kwekutalwa kwaKhristu.
Sehluko 22
Bantfu benta emasu ekutsi baphunyule ebugcilini bemaLamani—EmaLamani entiwa kutsi adzakwe—Bantfu bayeca, babuyela eZarahemla, futsi baba ngaphansi kwenkhosi Mosiya. Cishe ngemnyaka wa 121 kuya kuwa 120 ngaphambi kwekutalwa kwaKhristu.
Sehluko 23
Alima wala kuba yinkhosi—Usebenta njengemphristi lomkhulu—INkhosi iyabajezisa bantfu Bayo, futsi emaLamani ancoba live laseHilamu—Amuloni, umholi webaphristi lababi benkhosi Nowa, uyabusa angaphansi kwenkhosi yemaLamani. Cishe ngemnyaka wa 145 kuya kuwa 121 ngaphambi kwekutalwa kwaKhristu.
Sehluko 24
Amuloni uhlupha Alima kanye nebantfu bakhe—Batobulawa uma bathandaza—INkhosi yenta imitfwalo yabo ibukeke ilula—Iyabakhulula ebugcilini, futsi babuyela eZarahemla. Cishe ngemnyaka wa 145 kuya kuwa 120 ngaphambi kwekutalwa kwaKhristu.
Sehluko 25
Situkulwane saMuleki lesiseZarahemla siba ngemaNefi—Bafundza ngebantfu ba-Alima kanye nebaZenifi—Alima ubhabhatisa Limhayi kanye nabo bonkhe bantfu bakhe—Mosiya ugunyata Alima kutsi ahlele libandla laNkulunkulu. Cishe ngemnyaka wa 120 ngaphambi kwekutalwa kwaKhristu.
Sehluko 26
Emalunga lamaningi eLibandla aholelwa ekoneni ngulabangakholwa—Alima utsenjiswa kuphila lokuphakadze—Labo labaphendvukako futsi babhajatiswe batfola kutsetselelwa—Emalunga eLibandla lasesonweni laphendvukako futsi lavuma ku-Alima kanye naseNkhosini atawutsetselelwa; ngaphandle kwaloko, angeke abalwe kanye nebantfu beLibandla. Cishe ngemnyaka wa 120 kuya kuwa 100 ngaphambi kwekutalwa kwaKhristu.
Sehluko 27
Mosiya uyakwala kuhluphana uyaleta kutsi kube khona kulingana—Alima lomncane kanye nemadvodzana lamane aMosiya bafuna kubhubhisa Libandla—Ingilosi iyachamuka futsi ibayaleta kutsi bayiyekele indlela yabo yebubi—Alima ushaywa abe simungulu—Bonkhe bantfu kufanele batalwe kabusha kute bazuze insindziso—Alima kanye nemadvodzana aMosiya bamemetela tindzaba letitfokotisako. Cishe ngemnyaka wa 100 kuya kuwa 92 ngaphambi kwekutalwa kwaKhristu.
Sehluko 28
Emadvodzana aMosiya ayahamba ayoshumayela kumaLamani—Mosiya usebentisa ematje lamabili ebaboni, Mosiya uhumusha bongcwengcwe bemaJarede. Cishe ngemnyaka wa 92 ngaphambi kwekutalwa kwaKhristu.
Sehluko 29
Mosiya uphakamisa kutsi kukhetfwe behluleli esikhundleni senkhosi—Emakhosi langakalungi aholela bantfu esonweni—Alima lomncane ukhetfwa kutsi abe ngumehluleli lomkhulu ngelivi lebantfu—Ngetulu kwaloko ungumphristi lomkhulu eBandleni lonkhe—Alima lomdzala kanye naMosiya bayafa. Cishe ngemnyaka wa 92 kuya kuwa 91 ngaphambi kwekutalwa kwaKhristu.