Sehluko 1Moroni ufinyeta imibhalo ya-Etheri—Umlandvo wetitukulwane ta-Etheri ubekwa sobala—Lulwimi lwemaJarede aluphambatiswa eMbhoshongweni waseBhabheli—INkhosi yetsembisa kubaholela eveni lelikhetsekile iphindze ibente sive lesikhulu. Sehluko 2EmaJarede alungiselela luhambo lwawo loluya eveni lesetsembiso—Live lelikhetsekile lapho bantfu kufanele bakhonte Khristu noma basuswe—INkhosi ikhuluma nemnakaboJarede emahora lamatsatfu—EmaJarede akha tikebhe—INkhosi ibuta umnakaboJarede kutsi tikebhe titawukhanyiswa njani. Sehluko 3UmnakaboJarede ubona umunwe weNkhosi ngesikhatsi itsintsa ematje lalishumi nesitfupha—Khristu ukhombisa umnakaboJarede umtimba Wakhe wemoya—Labo labanelwati loluphelele angeke bavinjelwe kutsi babone ngekhatsi kwalesihenco—Tihumushi tinikwe kutsi tembule umbhalo wemaJarede. Sehluko 4Moroni uyaletwa kutsi ayivale ilondzeke imibhalo yemnakaboJarede—Angeke yembulwe bate bantfu babe nelukholo njengemnakaboJarede—Khristu uyaleta bantfu kutsi bawakholwe emavi akhe kanye nalawo ebafundzi Bakhe—Bantfu bayaletwa kutsi baphendvuke, bakholwe livangeli, futsi basindziswe. Sehluko 5Bofakazi labatsatfu kanye nemsebenti lucobo lwayo kutawukuma njengebufakazi beliciniso beNcwadzi yaMormon. Sehluko 6Tikebhe temaJarede tichutjwa ngumoya kuya eveni lesetsembiso—Bantfu badvumisa iNkhosi ngebuhle Bayo—Oriha uyabekwa kutsi abe yinkhosi yabo—Jarede nemnakabo bayafa. Sehluko 7Oriha ubusa ngekulunga—Ekhatsi nekutsatsa ngemandla nekulwa, imibuso lephikisanako yaShule kanye naKohori iyasungulwa. Baphrofethi bayabugceka bubi kanye nekukhonta tithico kwebantfu, lababese emvakwaloko bayaphendvuka. Sehluko 8Kukhona kulwa kanye nembango ngalokuphatselene nembuso—Akhishi usungula licembu leliyimfihlo leliboshwe ngesifungo kutsi libulale inkhosi—Emacembu layimfihlo adeveli futsi aholela ekubhujisweni kwetive—BeTive bamanje bayecwayiswa ngalokumelene nemacembu layimfihlo latawufuna kucedza inkhululeko yawo wonkhe umhlaba, tive, kanye nemave. Sehluko 9Umbuso usuka kulomunye uya kulomunye ngekwesitukulwane, ngekuvumelana ngemanga ngansense, kanye nangekubulala—Emeri wayibona iNdvodzana yeKulunga—Baphrofethi labaningi bashumayela kuphendvuka—Indlala kanye netinyoka letinebutsi kuhlupha bantfu. Sehluko 10Inkhosi ingena esikhundleni salenye—Lamanye emakhosi alungile; lamanye akhohlakele—Ngesikhatsi kulunga kubusa, bantfu bayabusiswa baphindze baphunyeleliswa yiNkhosi. Sehluko 11Timphi, kuphikisana, kanye nebubi kubusa imphilo yemaJarede—Baphrofethi baphrofetha ngekubhujiswa nya kwemaJarede ngaphandle kwekutsi baphendvuke—Bantfu bayawalahla emavi ebaphrofethi. Sehluko 12Umphrofethi Etheri uncusa bantfu kutsi bakholwe kuNkulunkulu—Moroni ulandzisa ngetimanga kanye netimangaliso letentiwa ngelukholo—Lukholo lwenta kutsi umnakabo Jarede akwati kubona Khristu—INkhosi inika bantfu butsakatsaka kute batfobeke—Umnakabo Jarede wesusa iNtsaba iZerini ngekusebentisa lukholo—Lukholo, litsemba, kanye nelutsandvo kubalulekile ekusindzisweni—Moroni wabona Jesu buso nebuso. Sehluko 13Etheri ukhuluma ngeJerusalema leNsha leyawukwakhiwa eMelika yintalelwane yaJosefa—Uyaphrofetha, uyacoshwa, ubhala ngemlandvo wemaJarede, futsi uphrofetha ngekubhujiswa kwemaJarede—Imphi igcwala eveni lonkhe. Sehluko 14Bubi bebantfu buletsa sicalekiso eveni—Khoriyanthuma ulwa naGileyadi, bese ulwa naLibi, aphindze alwe naShizi—Ingati nekubulawa kwebantfu labaningi kugcwala live. Sehluko 15Tigidzi temaJarede tiyabulawa emphini—Shizi naKhoriyanthuma babutsela ndzawonye bonkhe bantfu emphini yekufa—Moya weNkhosi uyayekela kuhlala kubo—Sive semaJarede siyabhujiswa nya—Kusala Khoriyanthuma kuphela.