1 Miaku ya Kilisto, akambilaye bayidi benda, dikumi ne babidi bavuaye musungula, bu muvuaye ubatentekela bianza—

2 Ne yeya wakababikila ku dîna, wamba ne: Nenubila Tatu mu dîna dianyi, mu disambila dia bukitu; ne kunyima kua nuenu benza nanku nenupeta bukôkeshi bua ne yonsu unuatentekela bianza bienu, nenumupesha Nyuma wa Tshijila; ne nenupesha Nyuma wa Tshijila mu dîna dianyi, bualu ki mudi bapostolo banyi benza nanku.

3 Mpindiewu Kilisto wakabambila miaku eyi diba dia dimueneka dienda dia kumpala; ne musumba wa bantu kawakayumvua to, kadi bayidi bakayumvua; ne kudi bonsu bakatentekelabu bianza, Nyuma wa Tshijila wakabatulukila.