1 Mushindu uvua bayidi, bavua bikidibua ne bakulu ba ekelezia, bajidila bakuidi ne balongeshi—

2 Kunyima kua bobu basambila Tatu mu dîna dia Kilisto, bakabatentekela bianza, ne bakamba ne:

3 Mu dîna dia Yezu Kilisto ndi nkujidila bua kuikala muakuidi (anyi pikalaye bua kuikala mulongeshi, ndi nkujidila bua kuikala mulongeshi) bua kuyisha dikudimuna dia mutshima ne dilekedibua dia mibi ku njila wa Yezu Kilisto, ku dinanukila dia ditabuija mu dîna dienda tô ne ku ndekelu. Amena.

4 Ne ku mushindu ewu uvuabu bakajidila bakuidi ne balongeshi, bilondeshila ku mapa ne mabikidibua a Nzambi kudi bantu; ne bakabajidila ku bukola bua Nyuma wa Tshijila, uvua muikala munda muabu.