1 Ding amanu nang Cristo, a sinabi na karing keang alagad, ding labingaduang pinili na, at kabang makapatung la ring gamat na kaku —

2 At inaus na la king lagiu, a sasabing: Ikayu maus ko king Ibpa king lagiu ku, king masikan a panalangin; at kaibat yung gewa iti mika upaya kayu bang kea a nung kaninu yo ipatung ding gamat yu, ipagkalub ye ing Espiritu Santo; at king lagiu ku ibiye ye iti, uling king paralan a iti gagawan da ring kanakung apostoles.

3 Ngeni i Cristo sinabi no rening amanu karela king panaun ning keang mumunang pamagpayakit; at ding keraklan ere dimdam dapot ding alagad dimdam da iti; at nung no anti la karakal ding petungan da ring karelang gamat, digpa ya ing Espiritu Santo.