Ing Libru Nang Moroni

1 Ngeni, aku, i Moroni, kaibat kung ayari ing pamanguyad king istorya da reng tau nang Jared, pigpalage ku ing e naku sumulat pang karagdagan, dapot eku pa mete; at eku pakilala ing sarili ku karing Lamanite at pota paten da ku.

2 Uling lawan, ing karelang labanan masyadung mabagsik king mismung grupu da; at uli ning karelang mua, pemate do ring balang Nephite a e tanggi kang Cristo.

3 At aku, i Moroni, eke tanggian i Cristo; at uli na niti, lilibut ku maski nukarin para king kaligtasan ning sarili kung bie.

4 Anya pin, sinulat ku pang mapilan a bage, kabaligtaran ning nanuman ing kakung palage; uling pigpalage ku ing e naku sumulat, dapot sinulat ku pang mapilan a bage, at iti siguru maging maulaga ya karing kanakung kapatad, ding Lamanite, karing daratang a aldo, agpang king kaburian ning Guinu.