1 Ing paralan nung makananung ding alagad, a meyaus makatua king pisamban, inordinan do ring sacerdote at talaturu —

2 Kaibat dang mekapanalangin king Ibpa king lagiu nang Cristo, pinatung do ring gamat da karela, at sinabi da:

3 King lagiu nang Jesucristo, aku ordinan da ka para maging sacerdote, (o, nung ya maging talaturu ya) aku ordinan da ka para maging talaturu, para ipanaral ing pamanisi at pamagpatawad karing kasalanan king kapamilatan nang Jesucristo, king kapamilatan na ning pamanatiling tapat king lagiu na anggang kapupusan. Amen.

4 At kening paralan a ini minordina lang sacerdote at talaturu agpang king kalam at pamanaus ning Dios karing tau; at inordinan da la kapamilatan ning upaya ning Espiritu Santo a atiu karela.