1 Ini ing paralan da reng karelang makatua at sacerdote king pamamindisyun king katawan at daya nang Cristo king pisamban; at binindisyun da agpang karing kautusan nang Cristo; anya pin, king makanian, balu mi ing paralan tutu ya; at ding makatua o sacerdote binindisyuan de pin.

2 At siniklaud la kayabe da ring tau na ning pisamban, at menalangin la kang Ibpa king lagiu nang Cristo, a sasabing:

3 O Dios, ing Alang Anggang Ibpa, aduan mi kekayu king lagiu ning kekayung Anak, i Jesucristo, para bindisyunan at gawan banal ing tinape a ini para karing kaladua da ring anggang mangan kaniti; bang apangan da iti bilang pamipaganaka king katawan na ning kekayung Anak at patutuanan da kekayu, O Dios, ing Alang Anggang Ibpa, a ila laus la lub tanggapan de ing lagiu ning kekayung Anak, at parati deng gaganakan, at pamintuan ding keang kautusan a biniye na karela bang parati yang atiu ing keang Espiritu karela. Amen.