Pene 2
Te orongaia anga mai te Vaerua Tapu ki te tino ngauru ma rua, o te ngati Niphai.
1. Te tuatua a te Mesia, tana i tuatua atu ki tana au pipi, te tino ngauru ma rua tana i iki, i te tuku anga aia i tona rima ki rungao ia ratou.
2. E kua taiku iora i to ratou ingoa tataki tai i te na ko anga e, e pati ua kotou ki te Metua na roto i toku nei ingoa, i te pure tukumoe kore, e me oti ia kotou te rave i teia, ka rauka mai ia kotou te mana, e ko ta kotou i tuku i te rima ra, ka oronga oki kotou i te Vaerua Tapu, e na roto i toku ingoa e oronga atu ei kotou te reira, no te mea, e pera oki taku au aposetolo.
3. Ko ta te Mesia tuatua teia kia ratou, i tona aereanga mua mai kia ratou, kare rava te au tangata i rongo ana, kua rongo ra te au pipi, e ko te aronga ta ratou i tuku i te rima ki rungao, kua rauka ia ratou te Vaerua Tapu.