Te Puka a Moronai

1. E teianei, kia oti taku ta Moronai akapoto anga i te tuatua o te au tangata o Iareta, kua manako akera au e, kare au e tata akaou, ina ra, kare oki au i mate ake, e kare katoa au i akakite iaku uaorai ki te ngati Lamana, ko te ta mai aea ratou iaku.

2. E i na, e mea ririnui tikai ta ratou tamaki anga i rotopu ia ratou uaorai, e no to ratou makitakita, kua ta ratou i te ngati Niphai, tei kore i patoi i te Mesia.

3. E kare rai au, ko Moronai, e patoi i te Mesia, no reira te aere ua nei au ki te au ngai e oraʼi au.

4. No reira, ka tata au tetai nga mea toe, mei tei kore i manakoia e au, kua manako ana oki au e, kare au e tata akaou, ina ra, ka tata atu au i tetai nga mea toe, penei ake ka riro mai te reira ei puapinga no toku au taeake te ngati Lamana no te au ra ki mua, kia tau ki te inangaro o te Atu.