1 I manera ni’ i disipulu siha, ni’ manma agang elders i gima’ Yu’os, ma otdena i mamale’ yan ma’estro siha —

2 Despues di manmanaitai gi Tata gi na’an i Kristo, ma pega i kannai-ñiha giya siha, ya ilek-ñiha:

3 Gi na’an Jesukristo hu otdena hao para pale’, (pat, yanggen ma’estro) hu otdena hao para ma’estro, para un pagat sinetsot yan mina’ase’ i isao siha ginen as Jesukristo, gi siningon hinengge gi na’an-ña esta i uttemo. Amen.

4 Ya gi este na manera na manma otdena mamale’ yan ma’estro siha, konsiste gi rigalon Yu’os yan inagang Yu’os gi taotao; yan manma otdena siha ginen i alentos i Espiritu Santo, ni’ gaige giya siha.