I Lepblon Moroni
Kapitulu 1
Si Moroni mangge’ para i binifision i Lamanites — I Nephites ni’ ti ma ñega i Kristo manma puno’.
1 Pues guahu, si Moroni, despues di hu na’kaddada’ i tinige’-hu put i manaotao Jared, hu suponi na ti bai hu fangge’ ta’lo, lao ti mamatai yu’; ya ti hu na’annok yu’ gi Lamanites sa’ u ma destrosa yu’.
2 Sa’ atan, mampos daddao i gera entra siha; ya put i chinatli’e’-ñiha ma puno’ todu i Nephite ni ti muñega i Kristo.
3 Yan guahu, si Moroni, ti bai hu ñega i Kristo; entonses, ya maseha manu na lugat sigi hu hanague para i siguridat i lina’la’-hu.
4 Entonses, hu tuge’ ta’lo didide’, ya lachi yu’ ni’ hu suponi; sa’ hu suponi na ti bai hu fangge’ esta; lao guaha siha didide’ hu tuge’, ya puedi gai bali para i mañe’lu-hu, i Lamanites, gi mamaila’ na tiempo, konsiste gi minalago’ i Saina.