1Ko e puhala he ha lautolu a tau ekepoa mo e tau patu he fakamonuinaaga he tino mo e toto a Keriso ke he lotu; kua fakamonuina ai e lautolu tuga mo e tau poaki a Keriso, ko e mena ia ke iloa ai e tautolu kua tonu e puhala ia; ti taute pihia he patu po ke ekepoa.

2Ne fakatokotui ai a lautolu mo e lotu mo e liogi ai ke he Matua ha ko e higoa a Keriso mo e pehe age:

3Ko e Atua na e ko e Matua Tukulagi, kua ole atu a mautolu ki a koe, ke he higoa he tama haau ko Iesu Keriso, ke fakamonuina mo e fakatapu e aleto nai ke he tau agaaga ha lautolu auloa ka kai ai. Kua maeke ia lautolu ke kai ai ke manatu ke he tino he Tama haau, mo e fakamooli ki a koe ko e Atua na e koe Matua Tukulagi. Kua loto a lautolu ke tuku ki luga e lautolu e higoa he Tama haau moe manatu tumau a ia, mo e omaoma e tau fakatufono ne tuku mai e ia ki a lautolu, to fakalataha tumau e Agaaga haana mo lautolu. Amene.