Ko e Tohi a Moronai

1Ko au nai ko Moronai kua hoko tuai ke he fakaotiaga he tauteuteaga he tau tohi fakamau he tau tagata a Iareto, ko e mena ia kua nakai lata ia au ke tohia ha mena loga i ai ka ko e mena nakai la mate ia au; ne nakai fakakite atu au ke he tau Lamana ha ko e haaku a matakutaku neke kelipopo e lautolu au.

2Kitia la, ko e tau felakutaki ha lautolu kua to lahi ni. Ti ko e ha lautolu a vihiatia, ne kelipopo ai e tau Nifai oti kua nakai fakatikai e Keriso.

3Ti ko au nai ko Moronai, to nakai fakatikai e au e Keriso, ko e mena ia, ne fai fano ai au ke moua ai e au e haoaga mitaki.

4Ko e mena ia foki to tohia ai e au falu a kupu kehe mai he manatu fakamua haaku; ha ko e manatu haaku to nakai tohia e au ha mena loga; ka kua tohia e au falu kupu ne liga to fai lagomataiaga ma e haaku a tau matakinaga, ko e tau Lamana ke he falu aho i mua, ke lata foki mo e finagalo he Iki.