Ɔfã 22
Nyikyerɛ a wɔnam Joseph Smith Nkɔnhyɛnyi no do dze mae, wɔ Manchester, New York, Ebɔbira 16, 1830. Wɔdze dɛm nyikyerɛ yi maa Asɔr no osiandɛ nna binom a, woenuma hɔn dada a wɔpɛ dɛ wɔbɔdɔm Asɔr no mmpɛ dɛ wɔsan numa hɔn bio.
1, Enuma yɛ ahyɛmudzi fofor a ɔwɔ hɔ daapem; 2–4, Enuma a nyia wɔama no tumdzi a ɔfata no na wɔrohwehwɛ.
1 Hwɛ, mese hom dɛ, mahyɛ dɛ wonyi ahyɛmu dadaw nyina akwa wɔ adze yi ho; na iyi yɛ ahyɛmudzi fofor a ɔwɔ hɔ daapem, dza nna ɔwɔ hɔ mpo fir ahyɛse no.
2 Dɛm ntsi, sɛ ɔba dɛ wonnuma nyimpa mpɛn ɔha mpo a, no ho nnkɛba no mfaso biara, osiandɛ hom nnkotum edua Moses mbra do anaa hom ndwuma ewui do ahɛn abow tseaba no mu.
3 Na osian hom ndwuma ewui ntsi na ɔama mama wɔakyekyer dɛm ahyɛmu a odzi ewiei yi, na dɛm asɔr yi dze ama me, dɛ mbrɛ ɔtse wɔ tsetseberdo no.
4 Dɛm ntsi, hom nhɛn abow no mu, dɛ mbrɛ mahyɛ no, na mma hom mmper nnhwehwɛ dɛ hom botu hom Nyame fo. Amen.