Wóltaʼii 73
Diyin Yá Yáłtiʼí Joseph Smith dóó Sidney Rigdon díí diyingo bił ííshją́ą́ ályaa, Hiram, Ohiodi, Yas Niłtʼees 10, 1832 yihahgo. Níłchʼitsoh bichʼįʼ hoolzhizhgo, Diyin Yá Yałtiʼí dóó Sidney tʼáá áłah naʼnitin ńtʼę́ę́ʼ, áádóó díí ííłʼį́įgo ląʼí da doo ákótʼéego Sodizin yikʼijįʼ hadahadziiʼyę́ę niʼ kóyiilaa (wóltaʼii 71gi alą́ąjįʼ saad dashijaaʼígíí yídííłtah).
1–2, Elder danilínígíí éí tʼáá ndaʼnitin dooleeł; 3–6, Joseph Smith dóó Sidney Rigdon éí Bible tʼáá yá ataʼ halneʼgo ałtso íídoolííł.
1Háálá tʼáá aaníigo, Diyin Bóhólníihii kóní, naʼnitin bee yisdáʼiildéehii tʼáá yee ndaʼnitin doogo bá nisin, áádóó binaagóó sodizin naaznilígíí ałdóʼ hazhóʼí ndeinitin doo, ntsaago áłah adooleełjįʼ índa;
2Áádóó índa, áko shooh, díkwíígóó shį́į́ naanish, ádeidoolíłígíí bee bił dahodoonih, éí ntsaago áłah náʼádleehdi yee ní didoojah.
3Diyin Bóhólníihii kóní, kʼad, tʼáá aaníigo nihichʼįʼ haasdziih shá naalʼaʼí, Joseph Smith, Jun., dóó Sidney Rigdon, ataʼ hołneʼígíí kʼad ánáádoohdlííłgo nihá nisin;
4Áádóó, tʼáá nihá bíighah nádleehgo, ntsaago áłah adooleełjįʼ índa binaagóó nahazʼą́ą́góó naʼnohtin doo; áádóó éí bikééʼdóó tʼáá ataʼ haneʼ binaałnishgo nizhónígo ałtso ádoohłííł.
5Áádóó bíniʼdii elders díí bikʼehgo ádaʼałʼį́į doo náasdi bił ííshją́ą́ ánáádaʼályaago índa, tʼáá bee akʼeʼashchínígi átʼéego.
6Kʼad éí áłtsé doo ła nihił ííshją́ą́ ánáádeeshdlííł da. Ákohgo nihiʼééʼ nihoozhnííʼ gónaaʼígíí beʼohtłʼóh dóó hodínóhsin. Tʼáá ákótʼée doo. Amen.