Wóltaʼii 79
Diyin Yá Yáłtiʼí Joseph Smith díí diyingo bił ííshją́ą́ ályaa, Hiram, Ohiodi, Wóózhchʼį́į́d 12, 1832 yihahgo.
1–4, Aaʼáhályáanii éí Jared Carter Diyin binahatʼá bee yisdáʼiildéehii bee naʼnitin doo yidííniid.
1Tʼáá aaníigo Shí nihichʼįʼ haasdziih, shá naalʼaʼí Jared Carter haʼaʼaahjigo kédaayahgóó náádoodááł, ndahazʼą́ągóó bá nisin, kin haalʼá dóó kin łánígóó, adziilii bee akʼihodiinííh bikʼehgo bee bikʼihodiiniiʼ, haneʼ yáʼátʼéehii tsʼídá baa hózhǫ́ǫgo yee ndaʼnitin doo, hoolʼáágóó diyin binahatʼá bee yisdáʼiildéehii ndi.
2Áádóó Aaʼáhályáanii bił hólǫ́ǫgo ádeeshłííł, éí tʼáá aaníinii yee nabidínóotį́į́ł áádóó háájigo doogáłígíí ałdóʼ yee bił hodoolnih;
3Áádóó tʼáá akééʼ sizį́įgo, ląʼígo neestʼą́ bee hólǫ́ǫgo ánáádeeshdlííł.
4Ákohgo, bíniʼdii, shá naalʼaʼí Jared Carter bijéí bił hózhǫ́ǫ doo, áádóó doo náldzid da doo, ní niDiyin Bóhólníihii, Jesus Christ ndi. Amen.