Wóltaʼii 7
Diyin Yá Yáłtiʼí Joseph Smith dóó Oliver Cowdery díí diyingo bił ííshją́ą́ ályaa, Harmony, Pennsylvaniadi, Tʼą́ą́chil 1829 yihahgo, íídą́ą́ʼ Urim dóó Thummim yinahjįʼ, John akééʼ sizíinii ayóó ábidooʼníinii, éí daatsí tʼahdii naahasdzáán yikááʼ hiiná doodaiiʼ dahnídiidzááʼgo yínaʼádéíłkid. Diyingo ił ííshją́ą́ ályaaʼígíí éí John akágí bikááʼ ataʼ haneʼ néíyíízooígíí átʼé dóó tʼáá bí néídeesʼį́į́ʼ.
1–3, John Ayóó Ábidóʼníinii éí Diyin Bóhólníihii nádzáájįʼ hiináa doo; 4–8, Peter, James, dóó John éí Diyin binaʼnitin bee yisdáʼiildéehii bibee ąą ńdaditʼį́hí dah deiyíjááh.
1Áádóó Diyin Bóhólníihii áshíłní: John, ayóó ánííníshníinii, haʼátʼíísh nínízin? Háálá haʼátʼííshį́į́ nínízinígíí yíínkeedgo, éí naadoolyééł.
2Áádóó shí ábidishní: Diyin Bóhólníihii, anoonééł bikʼi shidziilgo áshílééh, áko hinishnáago iiʼnaazíinii naahishʼéésh dooleeł.
3Áádóó Diyin Bóhólníihii áshiłní: Tʼááʼaaníí, tʼááʼaaníigo, Shí ánidishní, díí tʼáá íiyisíí nínízinígíí biniinaa tʼáá kǫ́ǫ́ honílǫ́ǫ doo sheʼayóó átʼéii bee náánísdzáajįʼ índa, dóó ałʼąą dóoneʼé bił nahazʼą́ągóó, ałkʼéí danilíigóó, bizaad ałʼąą ádaatʼéiigóó dóó dineʼé Diyin bikʼeh áhodooníłígíí baa hólneʼ dooleeł.
4Áádóó díí biniinaa Diyin Bóhólníihii Peter ííłní: Náánísdzáajįʼ tʼáá kǫ́ǫ́ holǫ́ǫgo bee bá lą́ aséłį́įʼgo, eiísh nídéítiʼ? Háálá iiʼnaazíinii shaa yíʼéésh dooleełgo yee nashídéíłkid, ákondi ni éí tʼáá tsxįłígo shił hazʼą́ądi shaa nídíídááłgo yííníkeed.
5Shí ánidishní, Peter, díí nínízinígíí tsʼídá yáʼátʼééhii átʼéii ńtʼę́ę́ʼ; ákondi ayóó ííníshníinii éí aláahgo naanish íídoolííłgo yinízin, doodago nihokááʼ dineʼé bitahgo tsʼídá naanish ílíinii áyiilaaígíí biláahgo íídoolííł.
6Aooʼ, éí ayóó átʼáo naanish ílíinii ákʼiidiitʼą́; éí bąą kǫʼ dookʼą́ą́łii nahalingo ádeishłííł dóó Diyin yá naalʼaʼí diyinkʼehgo akáʼanálwoʼígíí nilį́į doo; nahasdzáán yikááʼ yisdáʼiildééh deiyoosbánígíí Diyinkʼehgo yíkáʼanálwoʼ doo.
7Áádóó diyinkʼehgo bíkáʼanánálwoʼ doo dóó nikʼéí James ałdóʼ bá; áádóó tánółtʼéego díí adziilii dóó diyinkʼehgo ákáʼanídaahjahgo bibee ąą ńdaditʼį́hí nihaa deeshjih éí náánísdzáájįʼ kótʼée doo.
8Tʼáá aaníí shí ándishní, tʼáá ánóhłah nóhsinígíí bikʼehgo nihaa doolyééł, háálá tʼáá ánóhłah nóhsinígíí tsʼídá baa nihił hózhǫ́ǫ doo.