Icandelo 80
Isityhilelo esinikwe ngoJoseph Smith uMprofeti sisya kuStephen Burnett, eHiram, eOhio, Matshi 7, 1832.
1–5, UStephen Burnett noEden Smith babizelwa ukushumayela nakweyiphi na indawo abayikhethayo.
1 Inene, itsho njalo iNkosi kuwe sicaka sam Stephen Burnett: Yiya wena, yiya wena elizweni uze ushumayele ivangeli kuzo zonke izidalwa eziza phantsi kwesandi selizwi lakho.
2 Kwaye njengokuba unqwenela umlingane, ndiya kukunika isicaka sam uEden Smith.
3 Ngako oko, yiya wena uze ushumayele ivangeli yam, nokokuba kusemantla okanye emazantsi, empumalanga okanye entshonalanga, akunamsebenzi, kuba akunako ukulahleka.
4 Ke ngoko, bhengeza izinto ozivileyo, kwaye inene kholelwa, kwaye wazi ziyinene.
5 Qaphela, le yintando yalowo ukubizileyo, uMkhululi wakho, nkqu uYesu Krestu. Amen.