Wóltaʼii 81
Diyin Yá Yáłtiʼí Joseph Smith díí diyingo bił ííshją́ą́ ályaa, Hiram, Ohiodi, Wóózhchʼį́į́d 15, 1832 yihahgo. Frederick G. Williams éí high priest dooleełgo dóó Hódahgo Priesthood Álą́ąjįʼ Naazínígíí akééʼ dahsidáhí nilį́į doogo bee bikʼihodiiniiʼ. Díí diyingo ííshją́ą́ ályaaígíí éí Wóózhchʼį́į́d 1832 yihahgo éí ákééʼ nááháneʼ biyiʼ kóníigo náháásdzoh, éí Jesse Gause Joseph Smith yikééʼ dahsidáhí nilį́į doogo bee bikʼihodiiniiʼ áko Alą́ąjįʼ Naazíinii yitah silį́į́ʼ. Ákótʼée ndi, bikʼihodiiniiʼígíí doo hazhóʼí yikʼeh áhoolaaígíí biniinaa, éí naanish bee akʼihodiiniiʼígíí Frederick G. Williamsjígo baa deitʼą́. Díí diyingo ííshją́ą́ ályaaígíí (Wóózhchʼį́į́d 1832 yiiziłgo) Alą́ąjįʼ Sodizinjí Naatʼáanii danilínígíí hazhóʼí ílį́įgo bee hadiilyaa, éí hózhǫ́ akééʼ dahsidáhí atah bikʼihodidoonih nidzingo dóó akʼihodiiniiʼ ílį́į doogo baa hóoneʼ. Brother Gause tʼóó hónízahájįʼ ákáʼalwod ákondi Níłchʼitsoh 1832 yihahgo Sodizin Atah nilínéedóó nahjįʼ kóbiʼdiilyaa. Áko Brother Williams éí Wóózhchʼį́į́d 18, 1833 yihahgo éí naanishę́ę bee bikʼihodiiniiʼ.
1–2, Diyingo hazʼą́ągi bee ąą ńdítį́hí éí Áłtsé Naatʼáanii tʼáá ahą́ą́h bee dahólǫ́ǫ́ doogo dah deiyíjááh; 3–7, Frederick G. Williams éí diyingo binaanishígíí yéego ííłʼį́, éí hoolʼáágóó iiná baa doolyééł.
1Tʼáá aaníí, tʼáá aaníigo, shá naalʼaʼí Frederick G. Williams Shí ándishní: Bizhí yee yáłtiʼígíí yísíníłtsʼą́ą́ʼ, Bóhólníinhii niDiyin God bizaad yisiníłtsʼą́ą́ʼ, dóó naanish bee nikʼihodiiniiʼígíí bikʼeh honíłʼį́, shisodizin bá hooghanjí high priest díleełígíí ałdóʼ, dóó shá naalʼaʼí Joseph Smith, Jun. bíkáʼanánílwo dííleełígíí ałdóʼ;
2Éí Diyingo hazʼą́ bibee ąą ńdítį́hí í baa níjaaʼ, éí Áłtsé Naatʼáanii High Priesthood dahyiikahígíí tʼáá ahą́ą́h bee dahólǫ́ǫgo dah deiyíjááh doo:
3Éí bąą, éí tʼáá aaníígo baa ákonisin dóó bikʼihojideeshdliił, áádóó ni ałdóʼ, tʼáá hazhóʼí bił naháʼáago, éí naanish naadiníʼánígíí áníłʼį́įgo, nízhí diitsʼaʼgo dóó tʼáá nijéí biyiʼdi, tʼáá ahą́ą́h sodílzin, hojílą́ągi dóó tʼáá sahdii ndi, dahináanii dóó nikʼéí bitaanináadi, áadí ałdóʼ Diyin binahatʼá bee yisdáʼiildéehii bee naʼnitin doo.
4Áádóó díí áníłʼį́įgo nihokááʼ dineʼé bitaanináago tsʼídá yáʼátʼééhii bee bíkáʼadíílwoł, áádóó kótʼáo niDiyin Bóhólníihii biʼayóó átʼéii baa hólneʼ doo.
5Ákohgo, yéego iinídlą́; naanish naadiníʼánígíí yéego binanilnish; baadahojoobáʼígíí bikáʼánánílwoʼ, éí bigaan tʼóó bąąh nidahaazláii, áádóó bigodtaʼ doo daniłdzil da daazlį́įʼii bidziilgo ánídanidleʼ.
6Áádóó nihoníyáajįʼ yéego iinídlą́ągo hoolʼáágóó iiná binaatʼááh chʼah naa dootʼááł, dóó shiTaaʼ bighan biyiʼ ayóó átʼáo hoolʼáágóó iiná bá nidahazʼą́ éí ná hashtʼeeshłaa.
7Áko shooh, dóó níníłʼį́, díí éí Alpha dóó Omega bizaad ádaatʼé, éí Jesus Christ. Amen.