Wóltaʼii 89
Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Atsá Biyáázh 27, 1833 yihahgo. Hastóí sodizin bá hooghan ániid niitʼą́ągo áłah daʼaleeh góneʼ nátʼoh yitʼaałí chodeiyoołʼínígíí biniinaa, Diyin Yá Yałtiʼí díí yéego yaa ntsézkééz; díí biniinaa, Diyin Bóhólníihii neiyídééłkid. Díí diyingo ííshją́ą́ ályaaígíí, éí Saad bee Hódzáanii, bee wóójiʼ.
1–9, Wáán, tódiłhił dabitsxeʼígíí, nátʼoh, dóó sidogo daadlánígíí éí tʼáadoo daahdlání dabiʼdooniid; 10–17, Chʼil nídaʼałdziihii, tsin bineestʼą́, atsįʼ, dóó álástsiiʼ éí dineʼé dóó naaldlooshii chodeiyoołʼį́į́ doogo bikʼidahodiiniiʼ; 18–21, Diyin binahatʼá bee yisdáʼiildéehii bibee hazʼáanii bikʼeh dahonółʼį́, Saad bee Hódzáanii ałdóʼ, éí atsʼísee dóó iiʼ sizíiniikʼehgo akʼihojídlíigo aa dahalyé.
1 Saad Bee Hódzáanii, high priests danilį́įgo dahyiikahígíí bee ákáʼadoowoł biniyé, éí Kirtlanddi áłah siĺį́į́ʼ, dóó sodizinjí dah yikahígíí, dóó Ziondi Diyin yikééʼ naazíinii ałdóʼ—
2 Bee yáʼáhootʼééh doo biniyé bichʼįʼ kólyaa; bikʼeh honíłʼį́ hodiʼníigo éí doodago bóhodiʼnilchééhgo éí dooda, ákondi Diyingo ííshją́ą́ ályaa dóó saad bee hódzáanii bikʼehgo, tʼáá ałtso Diyin yikééʼ naazíinii díí akéedi deiyoołkááł biyiʼdi Diyin God binahatʼá dóó íínízinígíí bikʼehgo ííshją́ą́ ályaa atsʼíískʼehgo baa áháʼyą́ądoo biniyé—
3 Bitłʼááh siléi dóó bee ádééhaʼoodzííʼ bee niilyá, tʼáá ałtso akééʼ naazíinii biʼoodląʼ doo dabidziilígíí dóó tsʼídá doo yídaneelʼánígíí yídaníłdzil doogo bá ályaa, Éí Diyin yá naazíinii danilį́ éí doodago ákótʼáo bee béédahoʼdílzin.
4 Áko shooh, tʼáá aaníigo, Diyin Bóhólníihii konihiłní: Nihokááʼ dineʼé doo yáʼáshǫ́ǫgo dóó ndaʼagizii bijéí biyiʼdi ádaʼałʼį́įgo ndahaʼáhígíí dóó díí akéedi ádeinízinii biniinaa bee ádaaʼádahołʼyą́ągo nihichʼįʼ haasdziih, Shí yíi nihidííniid neʼ, éí tʼáá bítséedi nihił hweeshneʼ, díí saad bee hódzáanii diyingo ííshją́ą́ alyaaígíí nihaa níláhígíí bee—
5 Háida nihitahgóó wáán éí doodago tó tsiʼnaʼiiłái yidlą́ągo, áko shooh éí doo yáʼátʼééh da, áádóó nihiTaaʼ nilíinii ałdóʼ doo bił yáʼátʼééh da, ahínáohkahgo Diyin bichʼįʼ bááh dóó wáán bee náádaʼayóółniihgo tʼéiyá.
6 Áádóó, áko shooh, díí wáán átʼée doo, aooʼ, chʼil naʼatłʼooʼii ániid náhásdláaʼgo, dóó tʼáá hó hashtʼezhdoolííł.
7 Áádóó, ałdóʼ, tódiłhił dabitsxeʼígíí éí nihibid doo bá da, ákondi nihitsʼíís bee tánínádaahgis biniyé.
8 Áádóó ałdóʼ, nátʼoh doo atsʼíís bá da, éí doodago nihibid ałdóʼ doo bá da, áádóó nihokááʼ dineʼé doo bá yáʼátʼéeh da, ákondi éí chʼil atsʼįʼ daashtłʼishígíí dóó béégashii bitʼah dahoneezgaiígíí bá, éí hazhóʼí nahajiʼą́ągo dóó jiichįįhgo chojoołʼį́į doo.
9 Áádóó ałdóʼ, sidogo daadlánígíí éí doo atsʼíís dóó habid bá da.
10 Áádóó ałdóʼ, Shí tʼáá aaníigo nihichʼįʼ haasdziih, tʼáá átʼé chʼil atsʼíís bá yáʼádaatʼéhígíí éí Diyin God yidíísįįd áko nihokáá dineʼé yee dabidziil, dóó yee ádaatʼéego, chodeiyoołʼį́į doo—
11 Tʼáá átʼé chʼil chodaaʼíinii ahéédahwiilzhíísh góneʼ nídahadleeh, áádóó tʼáá átʼé tsin bineestʼąʼ ahéédahwiilzhíísh góneʼ nídahadleeh; díí tʼáá átʼé baa hodzą́ągo dóó baa ahééhwiinizingo chodaaʼį́į doo.
12 Aooʼ, naaldlooshii dóó wótʼááh ndaatʼaʼii bitsįʼ ałdóʼ, éí Shí, Diyin Bóhólníihii, éí nihokááʼ dineʼé bá sésį́į́ʼ áko yaa ahééh danízingo chodeiyoołʼį́į doo biniyé; ákótʼée ndi doo tʼáá aghą́ą́h chodeiyoołʼį́į da doo;
13 Áádóó díí shił tʼáá ákó, doo haigo da tʼéiyá, éí doodago deeskʼaazgo, éí doodago dichin hazlį́įgo tʼéiyá chooʼį́į da doo.
14 Tʼáá ałtso tłʼoh naadą́ą́ʼ ádaatʼéii nihokááʼ dineʼé dóó naadlooshii chodeidoołʼįįłgo bikʼidahodiiniiʼ, éí yee dahiináa dooleeł, doo nihokááʼ dineʼé tʼéiyá bá da ndi naaldlooshii daʼałchiní hodíłchʼildi ndaakaiígíí ałdóʼ bá, áádóó wótʼááhdi ndaataʼígíí ałdóʼ, áádóó tʼáá ałtso naaldlooshii daʼałchinígíí nahasdzáán yikááʼ ndaajeeh dóó ndaanaʼígíí ałdóʼ bá;
15 Áádóó díí Diyin God nihokááʼ dineʼé dichin dóó tʼáá íiyisíí dichin nídabiʼniighą́ągo tʼéiya chonídeiyoołʼįįh doo.
16 Tʼáá ałtso tłʼoh naadą́ą́ʼ ádaatʼéii nihokááʼ dineʼé chodeiyołʼį́įgo bá yáʼátʼééh doo; áádóó chʼil ndaʼatłʼoʼii bineestʼąʼígíí ałdóʼ; éí chʼil bineestʼą́ nídahoodleełígíí, łeeyiʼ éí doodago łeezh bikáaʼgi nídanitʼį́hígíí—
17 Ákótʼée ndi, tłʼoh naadą́ą́ʼ éí diné bá, naadą́ą́ʼ éí naadlooshii bá, taaskaal éí łį́į́ʼ bá, dóó tłʼoh naadą́ą́ rye wolyéii éí tsídii dóó bisóodi bá, dóó tʼáá ałtso naaldlooshii daʼałchiní hodíłchʼildi ndaakaiígíí ałdóʼ bá, dóó tłʼoh naadą́ą́ʼ bideeʼí éí tʼáá ałtso naaldlooshii chodaaʼínígíí bá yáʼátʼééh, áádóó tó doo tsiʼndaʼiiłáhígíí doo dabitsxeʼígíí bee ádaalyaa, áádóó nááná łaʼ tłʼoh naadą́ą́ ádaatʼéhígíí ałdóʼ.
18 Áádóó tʼáá ałtso Diyin yikééʼ naazíinii díí bee hadaʼiisdzíʼígíí yéédaalniihgo yikʼedahółʼį́į doo, éí Diyin bibee hazʼáanii yikʼeh dahółʼį́įgo deiyíkááh doo, bitsʼéeʼgi chánah hólǫ́ǫ doo dóó awol bitsʼin biiʼ hólǫ́ǫ doo;
19 Áádóó bee hódzáanii dóó ayóó átʼáo ééhózin daʼílíinii yikʼídookah, éí daʼílíinii doo béédahózinígíí ałdóʼ;
20 Áádóó ahaa deiyíjeehgo doo chʼééh dadidookah da, índa deiyíjeehgo doo tʼóó chʼééh ádadootʼįįł da.
21 Áádóó Shí, Diyin Bóhólníihii, bichʼįʼ ádééhadeesdzih, diyingo naalʼaʼí óʼoołdįįłígíí tʼóó bíighah chʼídoogááł, Israel baʼáłchíníyę́ę nahalingo, áko doo neidoołtsxił da. Amen.