13. Fale Nofoʻanga ʻi Nāvuú

Naʻe hiki mai ʻa Siosefa Sāmita, ko e Siʻí mo hono fāmilí ki he Fale Nofoʻanga ʻi Nāvuú ʻi ʻAokosi 1843. Naʻe toe fakalahi ki mui ʻi he faʻahi fakahahake ʻo e falé ʻo aʻu ʻa e ngaahi loki fakakātoa ʻo e fale ki he loki ʻe 22. Naʻe kamata ʻi Sānuali 1844 hono fakalele ʻe ʻEpinesa Lōpinisoni ʻa e falé ʻo hoko ko ha hōtele, pea naʻe tauhi ʻe he Palōfitá ha loki ʻe ono maʻa hono fāmilí. Naʻe hoko ʻa e falé ʻo hangē ha senitā feohiʻanga ʻo e kolo ko Nāvuú. Naʻe talitali ki ai ʻe he Palōfitá ha kakai māʻolunga mahuʻinga.

Ngaahi Meʻa Mahuʻinga naʻe Hoko aí: Naʻe fanaʻi ʻo mate ʻa e Palōfita ko Siosefá mo hono tokoua ko Hailamé ʻi Kātesi, ʻi ʻIlinoisi, ʻi he ʻaho 27 ʻo Sune 1844, pea naʻe ʻomi hona sinó ki he fale ko ʻení ʻo na toka ai ʻo tatali ki hona meʻa-fakaʻeikí. Naʻe telio kinaua ʻi ha kiʻi faʻitoka fakafāmili siʻisiʻi naʻe hanga mai ʻi he kauhala ʻe taha ʻo e Hala Meiní, ʻi he hihifo ʻo e kiʻi fale ʻakau naʻe nofo ai ʻa Siosefa ʻi heʻene ʻuluaki hiki mai ki Nāvuú. Naʻe nofo ʻa ʻEma Sāmita ʻi he Fale Nofoʻangá ʻo aʻu ki he 1871. Naʻá ne toki hiki leva mei ai ki he Fale Nāvuú, ʻo ne pekia ai ʻi he 1879.