16. Fale Fakapōpula Kātesí

Ko e fale fakapōpula motuʻa ʻi he kolo ko Kātesi, ʻi ʻIlinoisi.

Ngaahi Meʻa Mahuʻinga naʻe Hoko aí: Naʻe fononga atu ʻa Siosefa Sāmita mo hono tokoua ko Hailamé ki Kātesi ʻi he ʻaho 24 ʻo Sune 1844. Naʻe fakahū kinaua ki he fale fakapōpulá ʻi he ʻaho 25 ʻo Suné tuʻunga ʻi hano tukuakiʻi loi kinaua ki he talisone. Naʻe ʻohofi ʻa e fale fakapōpulá ʻi he ʻaho 27 ʻo Suné ʻe ha kau fakatanga ʻo e kau tangata ʻa ia naʻe vali ʻuliʻuli honau matá. Naʻe fanaʻi ai ʻa Siosefa mo Hailame fakatouʻosi ʻo na mate, pea naʻe kafo tuʻo lahi ʻa Sione Teila. Ka ko e meʻa fakaofo ʻa e ʻikai ha kafo ʻe taha ʻo Uiliate Lisiate.