18. Temipale Sōlekí

Ko e Temipale Sōlekí ʻi he vakai atu mei he tokelau hahaké. ʻI he hili pē ha ngaahi ʻaho siʻi mei he tūʻuta mai ʻa e ʻuluaki kulupu ʻo e Kau Māʻoniʻoni ʻi he Ngaahi ʻAho Kimui Ní ki he Teleʻa Sōlekí, naʻe fokotuʻu ai ʻe Palesitenisī Pilikihami ʻIongi ʻa hono tokotokó peá ne fakahā ai ʻo pehē, “Te tau langa heni ha temipale ki hotau ʻOtuá.” Naʻe tāpuakiʻi leva ʻa e konga kelekele ki aí ʻi he ʻaho 14 ʻo Fēpueli 1853. Naʻe fakatoka hono ngaahi makatulikí ʻi he ʻaho 6 ʻo ʻEpeleli 1853. Naʻe ʻosi hono langa ʻo e temipalé pea tāpuakiʻi mo fakatapui ia ʻi he ʻosi mei ai ha taʻu ʻe 40, ʻi he ʻaho 6 ʻo ʻEpeleli 1893. ʻOku fakataha heni ʻa e Kau Palesitenisī ʻUluakí pea mo e Kōlomu ʻo e Kau ʻAposetolo ʻe Toko Hongofulu-Mā-Uá ʻi he uike taki taha ke nau fakalaulauloto mo fekumi ki ha fakahinohino mei he ʻEikí ʻo kau ki hono tataki mo hono langa hake ʻo e puleʻanga ʻo e ʻOtuá.

Ngaahi Meʻa Mahuʻinga naʻe Hoko aí: Kuo fakahā mai heni ʻe he ʻEikí ki he Kau Palesitenisī ʻo e Siasí mo e kau Taki Māʻolunga kehé ʻa e laumālie ʻo e fakahaá, kau ai ʻa e Fanongonongo Fakamafaiʻi 2. Naʻe fakangofuá ni ʻe he Kau Palesitenisī ʻUluakí mo e Fakataha Alēlea ʻo e Kau ʻAposetolo ʻe Toko Hongofulu-Mā-Uá ʻi he loto-taha pea pulusi ʻa e “Ko e Fāmilí: Ko ha Fanongonongo ki he Māmaní.” Kuo hanga ʻe he ngaahi ouau fakatemipale kuo fakahoko ki he kakai moʻui mo e kau pekia fakatouʻosi ʻo tāpuekina ʻa e moʻui ʻa ha kakai ʻe lau miliona.