14. Falekoloa Piliki Lanu Kulokula ʻo Siosefa Sāmita ko e Siʻí
Ko hano toe langa foʻou ʻeni ʻo e fale koloa mo e ʻōfisi ʻo Siosefa Sāmita ko e Siʻí ʻa ia naʻe tuʻu ʻi Nāvū, ʻi ʻIlinoisi. Ko e taha ia ʻo e ngaahi fale mahuʻinga taha ʻi he Siasí lolotonga ʻa e vahaʻataimi ʻo Nāvuú. Naʻe ʻikai ke ngata ʻi heʻene hoko ko ha fale koloa fakalūkufuá, ka naʻe toe hoko foki ia ko ha senitā ki he ngaahi ʻekitivitī fakasōsiale, fakaʻekonōmika, fakapolitikale, mo fakalotu foki. Naʻe ʻi ai ha ʻōfisi ʻo Siosefa Sāmita naʻe ʻi he fungavaka hono uá.
Ngaahi Meʻa Mahuʻinga naʻe Hoko aí: Naʻe fakaʻaongaʻi ʻa e loki ʻi ʻolunga ʻi he fale koloá ki muʻa ʻi he ʻosi hono langa ʻo e temipalé, ko ha loki ouau, ʻa ia naʻe fakahoko ai ʻa e ngaahi ʻuluaki ʻenitaumeni kakató. Naʻe hanga ʻe he Palōfita ko Siosefá ʻo fokotuʻu ʻi he kakai fefine ʻo e Siasí ʻa e Fineʻofá ʻi he ʻaho 17 ʻo Māʻasi 1842.