7. Fale Koloa ʻo e Kautaha Niueli K. Uitenií

Naʻe ʻi ai ha fatongia mahuʻinga ʻo e fale koloa ʻo Niueli K. Uitenií ʻi he hisitōlia ʻo e Siasí ʻi Ketilani. Naʻe nofo heni ʻa Siosefa mo ʻEma ʻi ha kiʻi taimi siʻi. Naʻe maʻu ai ha ngaahi fakahā mahuʻinga lahi. Naʻe fakahoko ʻa e Akoʻanga ʻo e Kau Palōfitá ʻi he fale koloá mei he ʻaho 24 ʻo Sānuali 1833 ʻo aʻu ki ha taimi ʻi ʻEpeleli 1833.

Ngaahi Meʻa Mahuʻinga naʻe Hoko aí: Naʻe maʻu ai ʻe he Palōfita ko Siosefá ʻa e fakahā ʻoku kau ki he Lea ʻo e Potó (T&F 89). Naʻá ne fakahoko ai ha konga lahi ʻo e ngāue ki he Liliu ʻa Siosefa Sāmita ʻo e Tohi Tapú (LSS).