37 Pea haʻu ha niʻihi ʻo e kau tangata tohí ʻo pehē kiate ia, ʻEiki, kuo tohi, ʻe fakamolemoleʻi ʻa e angahala Kotoa pē; ka ʻokú ke pehē, Ko ia ia te ne fakaʻikaiʻi e Laumālie Māʻoniʻoní ʻe ʻikai fakamolemoleʻi ia. Pea naʻa nau fehuʻi kiate ia ʻo pehē, ʻE fēfē ʻa e ngaahi meʻá ni?

38 Pea naʻá ne folofola kiate kinautolu ʻo pehē, ʻI he mavahe ʻa e laumālie ʻulí mei ha tangata, ʻokú ne ʻalu ʻi he fonua pakukaá, ʻo fekumi ki ha mālōlōʻanga ka ʻoku ʻikai ke ne maʻu ia; ka ʻi hono fakaʻikaiʻi ʻe ha tangata e Laumālie Māʻoniʻoní, ʻokú ne pehē ai, Te u foki ki hoku falé ʻa ia ne u haʻu mei aí; pea ʻi heʻene aʻú, ʻokú ne ʻilo ai ʻokú ne liʻekina, kuo tafi mo teuteuʻi; he kuo liʻaki ia ʻe he laumālie leleí kiate ia pē.