10 Pea folofola ʻa Sīsū ʻo pehē ange kiate kinautolu, Ko e moʻoni ʻe tomuʻa haʻu ʻa ʻIlaiase, ʻo fakafoki mai ʻa e ngaahi meʻa kotoa pē, ʻo hangē ko ia kuo tohi ʻe he kau palōfitá.

11 Pea ko e tahá ʻoku ou pehē kiate kimoutolu kuo ʻosi haʻu ʻa ʻIlaiase, pea hangē ko ia kuo tohí, Vakai, te u fekau atu ʻa ʻeku talafekaú, pea te ne teuteu ʻa e halá ki muʻa ʻiate au; pea naʻe ʻikai te nau ʻilo ia, pea naʻa nau fai ʻenau faʻitelihá kiate ia.

12 ʻE mamahi pehē foki ʻa e Foha ʻo e tangatá koeʻuhi ko kinautolu.

13 Ka ʻoku ou pehē kiate kimautolu, Ko hai ʻa ʻIlaiase? Vakai, ko e ʻIlaiase ʻeni, ʻa ia naʻá ku fekau ke ne teuteu ʻa e halá ki muʻa ʻiate au.

14 Pea toki ʻilo ai ʻe he kau ākongá ko ʻene lea ia kiate kinautolu ʻo kau kia Sione ko e Papitaisó, pea ki ha tokotaha kehe foki ʻa ia ʻe haʻu ʻo fakafoki mai ʻa e ngaahi meʻa kotoa pē, ʻo hangē ko ia kuo tohi ʻe he kau palōfitá.