3 Pea ko Siutasi, ʻa ia naʻá ne lavakiʻi iá, ʻi heʻene mamata kuo fakamāuʻi ia ke maté, naʻe fakatomala ia, pea toe ʻomi ʻa e ngaahi konga siliva ʻe tolungofulú ki he kau taulaʻeiki lahí mo e kau mātuʻá.

4 ʻO ne pehē, kuó u fai angahala ʻi heʻeku lavakiʻi ʻa e toto taʻehalaia.

5 Pea naʻa nau pehē kiate ia, Ko e hā ia kiate kimautolu? Vakai pē koe ki ai; ke ʻiate koe pē hoʻo ngaahi angahalá.

6 Pea lī ʻe ia ʻa e ngaahi konga silivá ʻi he temipalé, pea ʻalu ia, ʻo ne noʻouʻa ia ʻi ha fuʻu ʻakau. Pea tō ia ki lalo, pea mafahi hono keté pea ʻoho ki tuʻa hono toʻotoʻongá, ʻo ne mate.