LSS, Mātiu 13:39–44. Fakafehoanaki mo e Mātiu 13:39–42; vakai foki ki he T&F 86:1–7
Kimuʻa ʻi he ngataʻanga ʻo e māmaní (ʻa hono fakaʻauha ʻo e kau angahalá), ʻe fakatahatahaʻi ʻe ha kau talafekau mei he langí e kau angatonú mei he kau angahalá.
39 Ko e utu-taʻú ʻa e ngataʻanga ʻo e māmaní, pe ko e fakaʻauha ʻo e kau angahalá.
40 Ko e kau tuʻusí ʻa e kau ʻāngeló, pe kau talafekau kuo fekauʻi mei he langí.
41 Ko ia, hangē ʻoku tānaki mo tutu e teá ʻi he afí, ʻe pehē foki e ngataʻanga ʻo e māmani ko ení, pe ko e fakaʻauha ʻo e kau angahalá.
42 He ʻi he ʻaho ko iá, kimuʻa pea hāʻele mai e Foha ʻo e tangatá, te ne fekauʻi atu ʻene kau ʻāngeló mo e kau talafekau ʻo e langí.
43 Pea te nau tānaki fakataha mei hono puleʻangá ʻa e meʻa kotoa pē ʻoku fakakoví, pea mo kinautolu ʻoku fai angahalá, pea ʻe laku kinautolu ki tuʻa ki he lotolotonga ʻo e kau angahalá; pea ʻe ʻi ai e tangi mo e fengaiʻitaki ʻo e nifo.
44 He ʻe tutu ʻa e māmaní ʻaki ʻa e afi.