DJS, Mateo 7:1–2 (enzanisa Mateo 7:1–2)
(Musatonge zvisina kururama.)
1 Zvino aya ndiwo mazwi ayo Jesu aakadzidzisa vadzidzi vake ayo avanofanira kutaura kuvanhu.
2 Musatonge zvisina kururama, kuti imi musazotongwe; asi tongai nemutongo wakarurama.
DJS, Mateo 7:9–11 (enzanisa Mateo 7:6)
(Musataure zvakavanzika zveumambo kunyika.)
9 Endai imi munyika, muchiti kune vose, Tendeukai, nokuti umambo hwekudenga hwauya pedyo nemi.
10 Uye zvakavanzika zveumambo muchazvichengeta mamuri; nokuti hazvina kunaka kupa icho chitsvene kumbwa; kana imi kukanda maparera enyu kunguruve, potse dzingaatsika-tsika pasi petsoka dzadzo.
11 Nokuti nyika haingagone kugashira icho imi pachenyu, chamusingagone kutakura; nokudaro hamufanire kupa maparera enyu kwavari, potse vachatendeuka zvakare vakakubvarurai.