¶ 1 BEA nae lea behe foki a Samuela kia Saula, Nae fekau au e Jihova keu fakanofo koe koe tu‘i ki hono kakai, io, ko Isileli: bea ko eni ke ke fanogo koe ki he le‘o oe gaahi folofola a Jihova.

2 Oku behe mai e Jihova oe gaahi kau tau, oku ou manatu‘i aia nae fai e Amaleki ki Isileli, a ene toitoi‘i ia i he hala, i he ene alu hake mei Ijibite.

3 Bea koeni ke ke alu o ta‘i a Amaleki, bea fakaauha aubito aia kotoabe oku nau ma‘u, bea oua naa fakamoui akinautolu; ka ke tamate‘i ae tagata moe fefine, moe fānau huhu, ae faga bulu moe sibi, ae kameli moe asi.

4 Bea nae tanaki fakataha e Saula ae kakai, o ne lau akinautolu i Tilaimi, koe kau tagata haele e toko ua kilu, bea koe kau tagata Juta koe toko taha mano.

5 Bea nae ha‘u a Saula ki he kolo e taha o Amaleki o ne tali tau i he toafa.

¶ 6 Bea nae lea a Saula ki he kau Kena, Alu akimoutolu, o alu hifo mei he kakai Amaleki, telia naaku fakaauha akimoutolu fakataha mo kinautolu: he naa mou fakaha ae agaofa ki he fānau kotoabe a Isileli, i he e nau alu hake mei Ijibite. Bea nae alu ae kau Kena mei he kakai Amaleki.

7 Bea nae ta‘i e Saula ae kakai Amaleki mei Havila o a‘u atu ki Sua, aia oku hagatonu ki Ijibite.

8 Bea naa ne buke moui a Ekaki koe tu‘i oe kakai Amaleki, bea ne fakaauha aubito ae kakai aki ae mata oe heleta.

9 Ka nae fakamoui e Saula moe kakai a Ekaki, moe faga sibi oku fugani lelei, moe faga bulu, bea moe faga manu jino, bea moe faga lami, mo ia kotoabe nae lelei, bea ikai jii fakaauha akinautolu: ka koia kotoabe nae mata kovi, mo taeaoga, koia ne nau fakaauha aubito.

10 Bea nae hoko ai ae folofola a Jihova kia Samuela, o behe,

11 Oku liliu hoku loto koeuhi ko eku fokotuu a Saula ke tu‘i: he kuo tafoki kimui ia mei he muimui iate au, bea kuo ikai jii fai ki he eku gaahi fekau. Bea nae mamahi ai a Samuela; bea tagi ia kia Jihova i he bo o aho.

12 Bea i he tuu hegihegi hake a Samuela i he abogibogi ke fakafetaulaki kia Saula, nae fakaha kia Samuela, o behe, Nae ha‘u a Saula ki Kameli, bea vakai, nae fokotuu eia hano botu i ai, bea liu mei ai, o alu, o alu hifo ki Kilikali.

13 Bea nae hokoage a Samuela kia Saula: bea behe e Saula kiate ia, Ke monuia be akoe ia Jihova: kuou fai ae fekau a Jihova.

14 Bea nae behe e Samuela, Koeha hono uhiga oe tagi ae faga sibi ni i hoku teliga? bea moe tagi ae faga bulu aia oku ou ogo‘i?

15 Bea nae behe e Saula, Kuo nau omi akinautolu mei he kakai Amaleki: he nae fakamoui e he kakai ae faga sibi fugani lelei moe faga bulu, ke feilaulau aki kia Jihova ko ho Otua; bea ko hono toe kuo mau fakaauha aubito.

16 Bea behe e Samuela kia Saula, Tatali, bea teu fakaha kiate koe aia nae tala mai e Jihova kiate au i he bo ni. Bea behe eia kiate ia, Ke ke lea mai.

17 Bea behe e Samuela, I hoo  kei jii i ho mata oou, ikai nae gaohi koe koe ulu ki he gaahi faahiga o Isileli, bea fakanofo koe e Jihova ke ke tu‘i ki Isileli?

18 Bea nae fekau koe e Jihova, i ha fonoga, o ne behe, Alu o fakaauha aubito ae kau agahala koe kau Amaleki, o tau‘i akinautolu ke nau auha ai.

19 Koia koeha nae ikai ai te ke talagofua ki he folofola a Jihova, ka naa ke oho ki he koloa oe vete, bea fai kovi i he ao o Jihova?

20 Bea behe e Saula kia Samuela. Koe mooni kuou fai talagofua ki he le‘o o Jihova, beau alu i he hala aia nae fekau au ki ai e Jihova, bea kuo omi a Ekaki koe tu‘i oe kakai Amaleki, bea kuo fakaauha aubito ae kakai Amaleki.

21 Ka nae too e he kakai ae koloa vete, koe faga sibi, moe faga bulu, ko hono fugani oe gaahi mea aia nae tonu ke fakaauha aubito, ke feilaulau aki kia Jihova ko ho Otua i Kilikali.

22 Bea behe e Samuela, He oku fiemalie tatau be a Jihova i he gaahi feilaulau tutu, moe gaahi feilaulau, i he fai talagofua ki he le‘o o Jihova? Vakai, oku lelei lahi ae talagofua i he feilaulau, bea koe fakafanogo i he gako oe faga sibi tagata.

23 He oku tatau ae agatuu moe hia koe tuki fakatevolo, bea koe baogataa oku tatau ia moe hia oe tauhi otua loi. Koe mea i hoo liaki ae folofola a Jihova, kuo ne liaki foki koe ke oua naa ke tu‘i.

¶ 24 Bea nae behe e Saula kia Samuela, Kuou fai agahala: he kuou fai talagataa ki he fekau a Jihova, bea mo hoo lea: koe mea i he eku manavahe ki he kakai, beau talagofua ki ho nau le‘o.

25 Bea koeni, oku ou kole kiate koe, ke ke fakamolemole eku agahala, bea ke ha‘u ke ta o mo au, koeuhi keu hu kia Jihova.

26 Bea nae behe e Samuela kia Saula, E ikai te ta foki mo koe: he kuo ke liaki ae folofola a Jihova, bea kuo liaki koe e Jihova ke oua naa ke tu‘i ki Isileli.

27 Bea i he tafoki atu a Samuela ke alu, naa ne buke ki he taba o hono bulubulu, bea nae hae‘i ia.

28 Bea nae behe e Samuela kiate ia, Kuo hae‘i e Jihova ae buleaga o Isileli meiate koe he aho ni, bea kuo ne foaki ia ki ho kaugaabi oou oku lelei hake iate koe.

29 Bea koeuhi foki koe Mafimafi o Isileli, e ikai loi ia be fakatomala: he oku ikai koe tagata ia, koeuhi ke ne fakatomala.

30 Bea toki behe ai eia, Kuou fai agahala: ka oku oku ou kole kiate koe, ke ke fakaabaaba kiate au i he ao oe kau mātua o hoku kakai, bea i he ao o Isileli, bea ke ta tafoki mo au, koeuhi keu hu kia Jihova ko ho Otua.

31 Bea nae toe tafoki a Samuela kia Saula; bea nae hu a Saula kia Jihova.

¶ 32 Bea nae behe e Samuela, Mou omi kiate au a Ekaki koe tu‘i oe kakai Amaleki. Bea nae ha‘u fakamofutofuta a Ekaki kiate ia. Bea nae behe e Ekaki, Kuo hiliage mooni  nai ae kona oe mate.

33 Bea behe e Samuela, Hage nae fakamajiva fānau ae kau fefine, e hoo heleta, e majiva fānau a hoo fa‘e i he kau fefine. Bea nae tuutuu ke iki e Samuela a Ekaki i he ao o Jihova i Kilikali.

¶ 34 Bea nae alu ai a Samuela ki Lama: bea nae alu hake a Saula ki hono fale i Kibea o Saula.

35 Bea nae ikai toe ha‘u a Samuela ke aahi kia Saula o a‘u ki he aho o ene bekia: ka nae tegihia e Samuela a Saula: bea nae liliu a Jihova mei he ene fakanofo a Saula koe tu‘i ki Isileli.