¶ 1 BEA nae folofola e Jihova kia Samuela, E tuku afe a hoo tegihia a Saula; he kuou liaki ia ke oua naa bule ia ki Isileli? fakafonu hao nifo‘i manu i he lolo, bea ke alu, teu fekau koe kia Jese koe tagata Betelihema: he kuou teuteu ha tu‘i mei hono gaahi foha.

2 Bea nae behe e Samuela, E fefe eku faa alu? kabau e fanogo ki ai a Saula te ne tamate‘i au. Bea behe e Jihova kiate ia, Ave ha bulu fefine mo koe, bea ke behe, Kuou ha‘u ke feilaulau kia Jihova.

3 Bea ke ui a Jese ki he feilaulau, bea teu fakaha kiate koe aia te ke fai: bea ke bani maaku aia teu lau kiate koe.

4 Bea nae fai e Samuela aia nae folofola ki ai a Jihova. Bea nae tetetete ae kau mātua oe kolo i he ene hoko ki ai, o nau behe, Oku ke ha‘u melino be?

5 Bea nae behe eia, Oku ou ha‘u melino be: kuou ha‘u ke fai ae feilaulau kia Jihova: fakatabu‘i akimoutolu, bea mou ha‘u mo au ki he feilaulau. Bea naa ne fakatabu‘i a Jese mo hono gaahi foha, o ne ui akinautolu ki he feilaulau.

¶ 6 Bea i he e nau hoko mai, nae jio ia kia Iliabe, bea behe eia, Ta oku i he ao ni o Jihova aia kuo ne bani.

7 Ka nae behe e Jihova kia Samuela, Oua naa ke mamata ki hono mata, bea ki he maoluga o hono jino; he kuou liaki ia: he oku ikai mamata a Jihova o hage koe mamata ae tagata; he oku jio ae tagata ki he aga oku ha itua, ka oku afio‘i e Jihova ae loto.

8 Hili ia nae ui e Jese ke ha‘u a Abinatabi, ke ne aluage i he ao o Samuela. Bea naa ne behe, Oku ikai fili ia foki e Jihova.

9 Bea nae fekau e Jese ke aluage a Sama. Bea behe eia, Oku ikai fili foki ia e Jihova.

10 Bea nae toe fekau e Jese ke aluage hono foha e toko fitu i he ao o Samuela. Bea nae behe e Samuela kia Jese, Oku ikai fili e Jihova akinautolu.

11 Bea nae behe e Samuela kia Jese, Oku i heni hoo fānau kotoabe? Bea nae behe eia, Oku kei toe ae kimui, bea vakai, oku ne tauhi ae faga sibi. Bea nae behe e Samuela kia Jese, Fekau ke omi ia: koeuhi e ikai te tau nofo ki lalo kae oua ke ha‘u ia.

12 Bea nae fekau eia, ke omi ia ki loto. Bea nae totototo moe toulekeleka hono mata, o matamata lelei ene ha mai. Bea nae behe e Jihova, Tuu hake, o bani ia; he ko eni ia.

13 Bea nae toki too e Samuela ae nifo‘i manu nae i ai ae lolo, o ne bani ia i he ao o hono gaahi kaiga; bea nae hoko ae Laumalie o Jihova kia Tevita talu mei he aho koia. Bea nae tuu a Samuela o alu ki Lama.

¶ 14 Ka nae mahui ae Laumalie o Jihova mei a Saula, bea nae fakamamahi‘i ia e he laumalie kovi mei a Jihova.

15 Bea nae behe e he kau tamaioeiki a Saula kiate ia, Koeni, vakai, koe laumalie kovi mei he Otua oku ne fakamamahi‘i koe.

16 Ke fekau mai ni e ho mau eiki ki hoo kau tamaioeiki, oku i ho ao, ke kumi ha tagata oku boto i he ta oe haabe: bea e hoko o behe, oka iate koe ae laumalie kovi mei he Otua, bea e ta eia aki hono nima, bea te ke moui ai.

17 Bea nae behe e Saula ki he ene kau tamaioeiki, Koeni, mou kumi leva ni ha tagata oku boto i he ta mea faiva bea omi ia kiate au.

18 Bea nae lea ai ae tamaioeiki e toko taha, o behe, Vakai, naaku mamata ki he foha o Jese koe tagata Betelihema, aia oku boto i he ta, bea koe tagata to‘a aubito ia, moe tagata tau, bea oku aga‐fakabotoboto, bea koe tagata matamatalelei, bea oku iate ia a Jihova.

19 Koia nae fekau ai e Saula ae kau talafekau kia Jese, o behe, Tuku mai ho foha ko Tevita, aia oku i he faga sibi, ke ha‘u kiate au.

20 Bea nae ave e Jese ae asi nae tauloto ma, moe hina uaine, moe uhiki‘i sibi, o ne atu ia kia Saula i he nima o hono foha ko Tevita.

21 Bea nae hokoage a Tevita kia Saula, o tuu i hono ao: bea nae ofa lahi ia kiate ia; bea hoko ia ko hono hoatau.

22 Bea nae fekau e Saula kia Jese, o behe, Oku ou kole kiate koe tuku mai a Tevita ke nofo ia i hoku ao; he oku ou leleiia ai au.

23 Bea i he hoko kia Saula ae laumalie mei he Otua, bea behe, nae too e Tevita ae haabe o ne ta aki ia hono nima: bea nae fakafiemalie ai a Saula, bea moui ai, bea nae alu iate ia ae laumalie kovi.