¶ 1 BEA nae lea a Saula kia Jonatane ko hono foha, bea ki he ene kau tamaioeiki kotoabe, koeuhi ke nau tamate‘i a Tevita.

2 Ka nae loto lelei lahi a Jonatane koe foha o Saula kia Tevita: bea nae fakaha e Jonatane kia Tevita, o behe, Oku fai e Saula ko eku tamai ke ne tamate‘i koe: bea koeni, oku ou kole kiate koe, ke ke vakai kiate koe ke oua ke bogibogi, bea nofo i ha botu lilo, o toitoi‘i koe:

3 Bea teu alu o tuu ofi ki he eku tamai i he goue aia oku ke i ai, bea te ma alea mo eku tamai kiate koe; bea koia teu mamata ki ai, teu tala kiate koe.

¶ 4 Bea nae lea lelei a Jonatane ki he ene tamai ko Saula, kia Tevita, o ne behe, Ke oua naa fai ha kovi e he tu‘i ki he ene tamaioeiki ko Tevita; koeuhi kuo ikai te ne fai agahala kiate koe, bea koeuhi ko ene gaahi gaue kuo lelei aubito kiate koe:

5 He naa ne ai ene moui ki hono nima, bea ne tamate‘i ae tagata Filisitia, bea nae fai e Jihova ae fakamoui lahi ma a Isileli: naa ke vakai‘i ia: bea ne ke fiefia ai: bea koeha ai te ke fai agahala ai ki he toto agatonu, ke tamate‘i a Tevita tae hano tuuga?

6 Bea nae tokaga a Saula ki he le‘o o Jonatane: bea fuakava a Saula, I he moui a Jihova e ikai tamate‘i ia.

7 Bea nae ui e Jonatane a Tevita, bea fakaha e Jonatane kiate ia ae gaahi mea ni. Bea nae omi e Jonatane a Tevita kia Saula, bea nae i hono ao ia o hage ko ene i ai i mua.

¶ 8 Bea nae toe hoko ae tau: bea alu ai a Tevita o tau‘i ae kakai Filisitia, bea ne ta‘i akinautolu i he tamate‘i lahi; bea naa nau hola meiate ia.

9 Bea nae ia Saula ae laumalie kovi mei a Jihova, i he ene nofo i hono fale moe tao i hono nima: bea nae ta  ene mea e Tevita aki hono nima.

10 Bea nae feiga a Saula ke ne velo‘i a Tevita ki he holiji aki ae tao; ka nae kalo malie a Tevita, bea velo o tau ae tao ki he holiji: bea nae hola a Tevita o hao mei hono ao i he bo koia.

11 Bea nae fekau e Saula ae kau tagata fekau ki he fale o Tevita, ke lamaji ia, bea ke nau tamate‘i ia i he bogibogi: bea nae fala e Mikale koe unoho o Tevita kiate ia, o behe, Kabau e ikai te ke fakahaofi hoo moui he bo ni, e tamate‘i koe abogibogi.

¶ 12 Koia nae tukutuku hifo ai e Mikale a Tevita mei he mataba jioata: bea nae alu ia, bea hola o hao.

13 Bea nae too e Mikale ae mea fakatātā o tuku ia ki he mohega, bea ne ai ae oluga koe fulufulu‘i koji ke oluga aki, o ne ufiufi aki ia ae kafu.

14 Bea i he fekau a Saula ae kau talafekau ke buke a Tevita, nae behe eia, Oku mahaki ia.

15 Bea nae toe fekau e Saula ae kau talafekau ke nau mamata kia Tevita, o behe, Mou omi ia kiate au i hono mohega, koeuhi keu tamate‘i ia.

16 Bea i he hu ki loto ae kau tagata talafekau, vakai, nae i he mohega ae mea fakatātā moe oluga kuo gaohi aki ae fulufulu‘i koji.

17 Bea nae behe e Saula kia Mikale, Koeha kuo ke kākā behe ai au, mo ke fekau ki hoku fili ke alu, bea kuo ne hao? Bea behe e Mikale kia Saula, Nae behe mai eia, Tuku keu alu; he koeha teu tamate‘i ai koe?

¶ 18 Koia nae hola bea hao a Tevita, o ne alu kia Samuela ki Lama, o ne tala kiate ia aia kotoabe kuo fai e Saula kiate ia. Bea naa na o mo Samuela o nofo i Naoti.

19 Bea nae tala kia Saula, o behe, Vakai, oku i Naoti a Tevita i Lama.

20 Bea nae fekau e Saula ae kau tagata ke buke a Tevita: bea i he e nau mamata ki he kau balofita oku malaga, kae tuu a Samuela aia ko ho nau tauhi, nae hoko ae laumalie oe Otua ki he kau tagata fekau a Saula, bea malaga foki mo kinautolu.

21 Bea i he fakaha ia kia Saula, naa ne fekau atu ae kau tagata kehe, bea nae malaga akinautolu foki. Bea nae ave e Saula ae kau tagata fekau ho hono liuga tolu, bea naa nau malaga foki.

22 Bea nae toki alu ia foki ki Lama bea hoko atu ki he fuu luo vai aia oku i Sikiu: bea nae fehui eia o behe, Oku ife a Samuela mo Tevita? Bea behe e he toko taha, Vakai, oku na i Naoti i Lama.

23 Bea ne alu ki ai ki Naoti i Lama: bea hoko kiate ia foki ae Laumalie oe Otua, bea nae alu be ia, o malaga, o feouga mo ene hoko ki Naoti i Lama.

24 Bea naa ne too foki hono gaahi kofu, o malaga behe be i he ao o Samuela, bea nae tokoto hifo tae kofu ia i he aho kotoa ko ia moe bo kotoa ko ia. Koe tubuga ia oe behe, He kuo kau a Saula foki moe kau balofita?