¶ 1 BEA nae hola a Tevita mei Naoti i Lama, bea ne ha‘u o lea kia Jonatane o behe, Koeha kuou fai? Koeha eku hia? bea koeha eku agahala i he ao o hoo tamai, koeuhi ke ne kumieku moui?

2 Bea behe eia kiate ia, Ke taofi e he Otua; e ikai te ke mate koe: vakai, e ikai aubito fai e he eku tamai ha mea lahi be jii, ka te ne tomua fakaha ia kiate au: bea e fefei ae fufu e he eku tamai ae mea ni iate au? oku ikai behe.

3 Bea nae fuakava foki e Tevita, o ne behe, Kuo ilo bau e hoo tamai kuou ma‘u ae ofa i ho ao; bea oku ne behe, Oua naa ilo e Jonatane ae mea ni telia naa mamahi ai ia: kae hage oku mooni ae moui a Jihova, bea oku moui ho laumalie, oku ai ae laka be taha i ho ma vahaa moe mate.

4 Bea nae behe e Jonatane kia Tevita, Fakaha be koeha ho loto, bea teu fai ia kiate koe.

5 Bea behe e Tevita kia Jonatane, Vakai, koe tuu efiafi abogibogi, bea oku totonu keu nofo moe tu‘i i he kai: ka ke tuku au keu alu koeuhi keu toitoi‘i i he goue, o a‘u ki he efiafi o hono tolu oe aho.

6 Kabau e eke‘i au e hoo tamai, bea ke behe, Nae kole fakamatoato e Tevita kiate au, ke ne fakatootoo ki Betelihema ko ene kolo: he oku i ai ae katoaga oku fai i he ta‘u kotoabe i ho nau fale.

7 Kabau te ne behe eia, Oku lelei; e i hoo tamaioeiki ae fiemalie: bea kabau e ita lahi ia, ke ilo bau ai e koe, kuo tuutuuni ae kovi.

8 Koia ke ke fai agaofa ki hoo tamaioeiki; he kuo ke fakahoko hoo tamaioeiki ko au ki he fuakava a Jihova mo koe; ka koeni kabau oku ai ha hia iate au, ke ke tamate‘i au ekoe; he koe umaa hoo omi au ki hoo tamai?

9 Bea nae behe e Jonatane, Ke mamao ia iate koe: he kabau kuou ilo kuo bau be ae loto o eku tamai ke fakahoko ae kovi kiate koe, e ikai koa teu tala ia kiate koe?

10 Bea behe e Tevita kia Jonatane, Kohai te ne fakaha ia kiate au? bea e fefei o kabau e tali lea malohi kiate koe e hoo tamai?

¶ 11 Bea nae behe e Jonatane kia Tevita, Ha‘u ke ta o kitua ki he goue. Bea ne na o fakatouoji be ki tuaa ki he goue.

12 Bea nae behe e Jonatane kia Tevita, E Jihova koe Otua o Isileli, o kau ka eke ki he eku tamai i he feituulaa ni abogibogi, bea i hono tolu oe aho, bea vakai, kabau oku ai ha lelei kia Tevita, kae ikai teu fekau kiate koe, mo fakaha ia kiate koe;

13 Ke fai behe e Jihova kia Jonatane mo lahi hake aubito: bea kabau oku lelei ki he eku tamai ke fai kovi kiate koe, teu toki fakaha ia kiate koe, bea teu fekau koe ke ke alu, koeuhi ke ke alu fiemalie be: bea ke iate koe a Jihova o hage ko ene i he eku tamai.

14 Bea te ke fakaha ekoe ae agaofa a Jihova kiate au, ikai i he eku kei moui ni be, koeuhi ke oua naaku mate:

15 Ka e ikai te ke tutuu ke motu hoo ofa mei hoku fale o taegata; ne ogo hono motuhi e Jihova ae gaahi fili o Tevita taki taha kotoabe mei he fuga o mamani.

16 Koia nae fai e Jonatane  ae fuakava moe fale o Tevita, o behe, Tuku ke eke ia e Jihova i he nima oe gaahi fili o Tevita.

17 Bea nae toe fekau‘i a Tevita e Jonatane ke fuakava koe mea i he ene ofa kiate ia: he ne ne ofa kiate ia hage ko ene ofa ki hono laumalie oona.

18 Bea nae behe e Jonatane kia Tevita, Koe tuuefiafi abogibogi: bea e ilo‘i a hoo tae i ai koeuhi e ava be a ho nofoa.

19 Bea hili hao tatali i he aho e taha, bea ke alu vave hifo, o hoko ki he botu naa ke toitoi ai koe i he aho oe gaue, bea ke tatali o ofi ki he maka ko Iseli.

20 Bea teu fana‘i ae gahau e tolu i hono botu o hage ko eku fana ki ha mea fakailoga.

21 Bea vakai, Teu fekau ha tamajii, o behe, Alu o kumi ae gahau. Kabau oku ou lea fakababau ki he tamajii, Vakai, oku i he botu mai kiate koe ae gahau, too ia o omi; bea ke ha‘u koe: he oku ai ae melino kiate koe e ikai ha kovi; o hage oku moui a Jihova.

22 Bea kabau teu behe ki he talavou, Vakai oku mamao atu iate koe ae gaahi gahau; ke ke alu koe: he kuo fekau koe e Jihova ke ke alu.

23 Bea i he mea kuo ta alea ki ai akoe mo au, vakai, ke iate kitaua mau ai be a Jihova o taegata.

24 Bea nae toitoi‘i a Tevita i he goue: bea hoko ae tuuefiafi, bea nae nofo hifo ae tu‘i ki he kai.

25 Bea afio ae tu‘i i hono nofoa, o hage ko ene faa fai, io ki he nofoa ofi ki he holiji: bea tuu a Jonatane, bea nofo a Abina ki he botu o Saula, ka nae ava be ae nofoa o Tevita.

26 Ka nae ikai lea a Saula ki ha mea i he aho koia: he nae mahalo eia, Kuo hoko ha mea nai kiate ia, oku ikai maa ai; koe mooni nai oku ikai maa ia.

27 Bea i he bogibogi e taha aia ko hono ua oe aho oe mahina, nae ava be ae nofoa o Tevita: bea behe e Saula ki hono alo ko Jonatane, Koeha oku ikai ha‘u ai ae foha o Jese ki he kai, aneafi, be koe aho ni?

28 Bea nae talaage e Jonatane kia Saula, Nae kole fakamatoato a Tevita kiate au ke alu ia ki Betelihema;

29 O ne behe, Oku ou kole kiate koe, tuku au keu alu; he oku ai ae feilaulau a ho mau fale i he kolo; bea kuo fekau hoku tokoua keu hoko ki ai: bea ko eni, kabau kuou ilo ae lelei i ho ao, oku ou kole kiate koe tuku au keu alu, o vakai ki hoku gaahi kaiga. Koia oku ikai ha‘u ai ia ki he keinagaaga oe tu‘i.

30 Bea nae tubu ai ae houhau a Saula kia Jonatane o ne behe kiate ia, Koe tama fakamaveuveu mo agatuu fau, ikai oku ou ilo kuo ke fili ae foha o Jese ke fakama‘i ai koe, bea koe fakama‘i ae telefua o hoo fa‘e?

31 Koeuhi i he kei moui ae foha o Jese i he fuga kelekele, e ikai jii fakatuu mau koe, be ko ho buleaga. Koia ke ke fekau ni o omi ia kiate au, he koe mooni e mate ia.

32 Bea nae beheage e Jonatane kia Saula ko ene tamai, E tamate‘i ia koeumaa? koeha ia kuo ne fai?

33 Bea nae velo leva e Saulo ae tao ke ne ta‘i ia: koia nae ilo ai e Jonatane kuo tonuba be ae loto o ene tamai ke tamate‘i a Tevita.

34 Koia nae tuu lili hake ai a Jonatane mei he keinagaaga, bea ikai kai ha mea i hono ua oe aho i he mahina: he nae mamahi ia koeuhi ko Tevita, he kuo fai fākama a ene tamai kiate ia.

¶ 35 Bea i he ene bogibogi, nae alu kituaa a Jonatane ki he goue i he feituulaa naa na alea ki ai mo Tevita, bea nae iate ia ae tamajii.

36 Bea behe eia ki he tama, Lele, o kumi mai ae gaahi gahau oku ou fana‘i. Bea i he lele ae tama, nae fana‘i eia ae gaahi gahau ke mamao iate ia.

37 Bea i he hoko ae tamajii ki he botu oe gahau aia nae fana‘i e Jonatane, bea kalaga a Jonatane ki he tama, o ne behe, Ikai oku mamao atu ae gahau iate koe?

38 Bea kalaga a Jonatane ki he tama, o behe, Fakatootoo, faivave, oua naa tatali. Bea tanaki e he tamajii a Jonatane ae gaahi gahau, bea ha‘u ia ki he ene eiki.

39 Ka nae ikai ilo ha mea e he tamajii: ko Jonatane mo Tevita be naa na ilo ae mea.

40 Bea nae tuku e Jonatane ene gaahi mahafu ki he tamajii, o ne behe kiate ia, Alu o ave ia ki he kolo.

¶ 41 Bea i he alu ae tamajii, nae tuu hake a Tevita mei he botu nae haga ki toga, bea fakatomabee hono mata ki he kelekele, o fakabunou tuo tolu ia: bea naa na fetoutou fekita be, o fai ae fetagihi, ka nae lahi hake ia Tevita.

42 Bea nae behe e Jonatane kia Tevita, Alu fiemalie be, he kuo ta fefuakava i he huafa o Jihova, o behe, Ke iate koe mo au a Jihova, bea ke i hoku hako ia mo ho hako o taegata. Bea nae tuu hake ia o alu: bea nae alu o Jonatane ki he kolo.