¶ 1 BEA naa nau fakaha kia Tevita o behe, Vakai, oku tau‘i e he kakai Filisitia a Kiila, o nau kaihaa mei he gaahi hahaaga.

2 Bea nae fehui ai e Tevita kia Jihova, o behe, Teu alu o ta‘i ae kakai Filisitia? Bea nae behe e Jihova kia Tevita, Alu, bea ta‘i ae kau Filisitia, bea fakamoui a Kiila.

3 Bea nae behe e he kau tagata o Tevita kiate ia, Vakai, oku mau manavahe ni i Juta: bea e fefe hono lahi hake, o kabau te tau hoko ki Kiila ke tau‘i ae gaahi tau ae kakai Filisitia.

4 Bea nae toe fehui e Tevita kia Jihova. Bea nae talia ia e Jihova o ne behe, Tuu o alu hifo ki Kiila; he teu tukuage ae kakai Filisitia ki ho nima.

5 Bea nae alu ai a Tevita mo hono kau tagata ki Kiila, bea nae tau‘i ae kau Filisitia, bea fetuku mei ai e nau gaahi faga manu lalahi, o ne ta‘i akinautolu i he tamate‘i lahi. Bea nae fakamoui e Tevita ae kakai o Kiila

6 Bea i he hola a Abiata koe foha o Ahimeleki ki Kiila, naa ne alu hifo moe efoti i hono nima.

¶ 7 Bea nae tala kia Saula kuo hoko a Tevita ki Kiila. Bea nae behe e Saula, Kuo tuku mai ia e he Otua ki hoku nima; he kuo tabuni ia ki loto, i he ene hu ki ha kolo oku ai hano gaahi mataba moe gaahi sogo.

8 Bea nae fekau e Saula ke katoa fakataha ae kakai kotoabe ke tau, ke alu hifo ki Kiila ke tau‘i a Tevita mo hono kau tagata.

¶ 9 Bea nae ilo e Tevita oku faa fai kovi fakafufu e Saula kiate ia; bea nae behe eia kia Abiata koe taulaeiki, Omi ki heni ae efoti.

10 Bea nae behe e Tevita, E Jihova koe Otua o Isileli, koe mooni kuo fanogo e hoo tamaioeiki oku tokaga a Saula ke ha‘u ki Kiila, ke fakaauha ae kolo koeuhi ko au.

11 E tukuage au e he kakai o Kiila ki hono nima? e alu hifo a Saula o hage ko ia kuo ogo‘i e hoo tamaioeki? E Jihova koe Otua o Isileli, oku ou kole kiate koe, ke ke tala ki hoo tamaioeiki. Bea nae behe e Jihova, E alu hifo ia.

12 Bea nae behe e Tevita, E tukuage au mo hoku kakai e he kakai o Kiila ki he nima o Saula? Bea nae behe e Jihova, Te nau tukuage koe.

¶ 13 Bea nae tuu hake a Tevita mo hono kau tagata koe toko onogeau nai, o nau hiki mei Kiila, o nau alu be i he gaahi botu ne nau faa lava ki ai. Bea nae tala kia Saula kuo hola a Tevita mei Kiila; bea ne tuku ai ene alu ki ai.

14 Bea nofo a Tevita i he toafa i he gaahi toitoiaga malohi, o nofo i he mouga i he toafa o Sifi. Bea nae kumi ia e Saula i he aho kotoabe, ka nae fakamoui ia e he Otua mei hono nima.

15 Bea nae mamata a Tevita kuo ha‘u kitua a Saula ke kumi ene moui: bea nae i he toafa o Sifi a Tevita i he vaoakau.

¶ 16 Bea nae tuu hake a Jonatane koe foha o Saula o alu kia Tevita ki he loto vaoakau, o ne fakamalohi hono nima i he Otua.

17 Bea ne behe kiate ia, Oua naa ke manavahe: he koe nima o Saula ko eku tamai e ikai te ne ilo koe; bea te ke hoko koe tu‘i i Isileli, bea ko au teu hoko kiate koe; bea oku ilo foki ia e he eku tamai ko Saula.

18 Bea ne na fefuakava aki akinaua i he ao o Jihova: bea nae nofo a Tevita i he vaoakau, kae alu a Jonatane ki hono fale.

19 Bea nae toki alu hake ae kakai Sifi kia Saula ki Kibea, o behe, Ikai oku toitoi‘i a Tevita iate kimautolu i he gaahi toitoiaga malohi i he loto vaoakau, i he mouga o Hakila, aia oku i he botu toga o Jesimoni?

20 Bea ko eni, E tu‘i, ke ke alu hifo o fakatatau ki he holi kotoabe a ho loto: bea koe mau gaue ia ke tukuage ia ki he nima oe tu‘i.

21 Bea nae behe e Saula, Ke monuia akimoutolu ia Jihova; he oku mou agaofa mai kiate au.

22 Bea koeni, oku ou kole kiate kimoutolu, mou tokonaki, bea ilo mo mamata ki he botu aia oku i ai hono va‘e, bea kohai naa ne mamata kiate ia i ai: he kuo tala kiate au oku ne fai fakabotoboto aubito.

23 Koia mou vakai, bea ilo lelei a hono gaahi toitoiaga kotoabe, aia oku ne fufu ai ia, bea mou toe ha‘u kiate au, o fakababau, bea te tau o mo au: bea e hoko o behe, kabau oku i he fonua ia, teu fakatotolo ia i he gaahi toko afe o Juta.

24 Bea naa nau tuu hake o alu ki Sifi, o muomua ia Saula: ka nae i he toafa o Maoni a Tevita mo hono kau tagata, i he tafagafaga i he botu toga o Jesimoni.

25 Bea nae alu foki a Saula mo hono kau tagata ko hono kumi. Bea naa nau tala kia Tevita: koia nae alu hifo ai ia mei he maka, bea nofo i he toafa o Maoni. Bea nae fanogo a Saula ki ai, bea kumi eia kia Tevita i he toafa o Maoni.

26 Bea nae alu a Saula i he botu e taha oe mouga, bea ko Tevita mo hono kau tagata naa nau alu i hono botu e taha oe mouga: bea nae fakatootoo a Tevita ke alu mamao ko ene manavahe kia Saula; ka nae akilotoa mo kabui a Tevita mo hono kakai e Saula mo hono kakai ke ma‘u akinautolu.

27 Ka nae ha‘u ae tagata fekau kia Saula, o behe, Ke ke fakatootoo, bea ha‘u, he kuo hoko ae tau ae kau Filisitia ki he fonua.

28 Koia nae foki ai a Saula mei he ene tuli a Tevita, o ne alu ke tuli ae kau Filisitia: koia nae ui ai ae botu koia ko Selahamalikoti.

¶ 29 Bea nae alu hake mei ai a Tevita, o nofo i he gaahi botu toitoiaga malohi i Eni‐keti.